१ यूहन्‍ना 2:17 - कोन्छ्‌योककी सुङ

¹⁷ जम्‍बुलिङ ना डिवी, जम्‍बुलिङला वोतुप नोवातिवा साङ ना डिवी, यिने कोन्‍छ्‍योककी नोवाला वोतुप लाका कितुप मी ति नरीकी नरी लुकिवी।

१ यूहन्‍ना 2:17 Iomraidhean Croise

मत्ती 21:31

ख्‍यिरा नासामला ती पुज्‍युङ पिन ङ्‍यीकी नाङ्‍ला चुका तीकी पपी नोवाला वोतुप ति क्‍यासुङ?” तिवी “पुज्‍युङ छ्‍ये तीकी।” सिनी सिक्‍यासुङ। तमा खोकी तिवाला सुङ्‍सुङ, “वुतुङ के ङ ख्‍यिराङला सिरिन। से दुतुपतिवा ताङ छ्‍येमुतिवा ख्‍यिराङ सिनाङ गोमाला कोन्‍छ्‍योककी ग्‍येल्‍खापला लेप्‍किवी।

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

मत्ती 7:21

“ङला ‘चोवो, चोवो!’ सिरुपतिवा तेरी कोन्‍छ्‍योककी ग्‍येल्‍खापला शुक मोछ्‍योकिवी, यिने देवाच्‍येनला ज्‍यु वोतुप ङे पपा कोन्‍छ्‍योककी नोवाला युकुपतिवा तिराङ कोन्‍छ्‍योककी ग्‍येल्‍खापला शुक छ्‍योकिवी।

मर्कूस 3:35

सी कोन्‍छ्‍योककी नोवा दोके किवे, तिवा राङ ङे नुप ताङ नुम ताङ आमा यिनो।”

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 6:58

ती ति देवाच्‍येन नेमा पाम वावु शुब्‍ज्‍याङ यिन। ती ति ख्‍यिरा हङ्‍गावातिवी सोसिनाङ शेप समा दोके मिन। दी शुब्‍ज्‍याङ सापतिवाला ति नाम्‍साङ मिशिवी।”

यूहन्‍ना 7:17

चुका मी तीकी कोन्‍छ्‍योककी नोवाला दोके युकिवे, तीकी ङे तेरुप येन्देन ति कोन्‍छ्‍योक नेमा वावु यिनाङ की, ङे राङ तेरुप यिन सिनी हाक्‍कोकिवी।

रोमी 12:2

तमा दी जम्‍बुलिङकी किताङ नालुला येनी मादे, यिने रङगी सेम ति सम्‍बा फोनी ख्‍यिरा थोक्‍ला कोन्‍छ्‍योककी नोवाला ल्‍यामु वोतुप ति काङ यिन, चुक क्‍यानी खोला गा लोङ्‍गुप, चुक क्‍यानी खोकी नोवा दोके क्‍यानी मिजी क्‍योङ्‍गुप, ती तेरी हाक्‍कोवा की।

१ कोरिन्‍थी 7:31

दी जम्‍बुलिङला देतुप पेला गोवु च्‍यालकतिवा थोकुप ति गिवी, यिने ती च्‍यालकला तिराङ नासाम मातोङ। च्‍यिलासिसिन दी जम्‍बुलिङकी च्‍यालकतिवा याङ तोर्नी डिवी।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 4:3

च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

१ थेसलोनिकी 5:18

दुक्‍पा ख्‍येल्‍सिनाङ किर्मु वोसिनाङ कोन्‍छ्‍योकला थुचिछे पुल। च्‍यिलासिसिन येशूला तेपा कितुप मीतिवा तुकै राङ वुङ गोकिवी सिरुप ति कोन्‍छ्‍योककी नोवा यिन।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

याकूब 4:14

यिने ख्‍यिरा मिजीला सला काङ ख्‍येल्‍गिवी सिरुप ति ख्‍यिराङला छ्‍या मे। ख्‍यिरा मिजी याङ काङ यिन रो? ख्‍यिरा मिजी याङ उकुर च्‍यिक मिककी थोङ्‍गुप ताङ तोक तोर्नी डोप मुसिल दोके यिन।

१ पत्रुस 1:5

ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।