१ यूहन्‍ना 2:16 - कोन्छ्‌योककी सुङ

¹⁶ च्‍यिलासिसिन जम्‍बुलिङला वोतुप तेरीकी तेन्‍दोक ति मी सेमला शरुप नासाम मेलोवा ताङ मिककी थोङ्‍सिमा नासाम मेलोवा शरुप ताङ मी मिजीला ङ राङ यिन सिनी छ्‍येजु कितुप यिन। तिवा ति कोन्‍छ्‍योक नेमा वोवु मिन, यिने जम्‍बुलिङ नेसुर वावु यिन।

१ यूहन्‍ना 2:16 Iomraidhean Croise

मत्ती 4:8

येलुङ शैतानकी खोला री थेन्‍बो यीला टि गल्‍नी जम्‍बुलिङकी तेरी ग्‍येल्‍खापतिवा ताङ ती ग्‍येल्‍खापतिवाला वोतुप डछ्‍यावुतिवा छ्‍या तेन्‍नी,

मत्ती 5:28

यिने ङ ख्‍यिराङला सिरिन। सी पुम्‍पेजाला शम्‍डेन कितुप नोनी ल्‍हेवे, तीकी गोमाला के खोरो सेमला शम्‍डेन क्‍यावु यिन।

लूका 4:5

येलुङ शैतानकी येशूला दासा थेन्‍बु यीला टि गल्‍नी उकुर च्‍यिकला जम्‍बुलिङकी तेरी ग्‍येल्‍खापतिवा छ्‍या तेन्‍सुङ।

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

१ कोरिन्‍थी 10:6

तीकी तेन्‍दोक ति तिवी दोके क्‍यानी दाक्‍पी साङ सेमला मेलोवा कितुप नासाम तोङ्‍गुप मेवी सिनी दाक्‍पी थोक्‍ला येन्‍देन बिन्‍दुप यिन।

गलाती 5:17

च्‍यिलासिसिन दाक्‍पी जुकी दुक्‍टा वोतुप नासाम ति कोन्‍छ्‍योककी थु चाङ्‍माकी मुला मिडिकिवी। तुक राङ क्‍यानी थु चाङ्‍माकी नासाम साङ जुकी दुक्‍टा वोतुप नासाम ताङ मुला मिडिकिवी। तिवा ङ्‍यिवु ति ड दोके यिन। तुक क्‍यानी ख्‍यिरा काङ लाका कितुप नो क्‍या वे, ती ति कि मुथुपी।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

याकूब 3:15

च्‍यिलासिसिन तुका परकी रिक्‍पा ति कोन्‍छ्‍योक नेमा वावु रिक्‍पा मिन, दी जम्‍बुलिङ ताङ मी नासाम मेलोक्‍पा नेसुर ताङ डेकी ओङ नेमा वावु रिक्‍पा यिन।

याकूब 4:16

यिने तन्‍दा ख्‍यिराङ रङगी मिजीकी थोक्‍ला नो क्‍यावु ताम्‍ङेला छासे तेके किवी। तुका लाका ति दुक्‍टा यिन।

१ पत्रुस 1:14

ख्‍यिराङ कोन्‍छ्‍योककी कला ङ्‍येन्‍दुप खोकी पुज्‍युङपुमतिवा यिन्‍दुप तप्‍की गोमाला कोन्‍छ्‍योकला ङो माशेवु पेला क्‍यावु दोके सेम नोजु कितुप क्‍युर।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।