१ यूहन्‍ना 2:15 - कोन्छ्‌योककी सुङ

¹⁵ ख्‍यिराङ जम्‍बुलिङ ताङ जम्‍बुलिङला वोतुप तेरीला नासाम मातोङ। चुका मी तीकी जम्‍बुलिङला तिराङ नासाम तोङ्‍गिवे, तीकी कोन्‍छ्‍योकला नासाम मोतोङ्‍गिवी।

१ यूहन्‍ना 2:15 Iomraidhean Croise

मत्ती 4:8

येलुङ शैतानकी खोला री थेन्‍बो यीला टि गल्‍नी जम्‍बुलिङकी तेरी ग्‍येल्‍खापतिवा ताङ ती ग्‍येल्‍खापतिवाला वोतुप डछ्‍यावुतिवा छ्‍या तेन्‍नी,

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लूका 16:13

लावा च्‍यिककी ज्‍यिन्‍दाक ङ्‍यीला शब्‍ज्‍यी कि मुथुपी। तीकी च्‍यिकला ति ङ्‍यिङ्‍मर किवी, यम्‍बाला ति ङ्‍यिङ्‍ज्‍ये किवी। याङ्‍ना च्‍यिकला ति तेन्‍गिवी, यम्‍बाला ति ङ्‍यप्‍च्‍ये किवी। ती दोके क्‍यानी ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

यूहन्‍ना 15:19

ख्‍यिराङ जम्‍बुलिङकी ति यिन्सिन जम्‍बुलिङकी मीतिवी ख्‍यिराङला खोरो मी यिन सिनी ङ्‍यिङ्‍ज्‍ये कितुप्‍जा। यिने ख्‍यिराङ ति जम्‍बुलिङकी ति मिन, ङे ख्‍यिराङला दी जम्‍बुलिङ ने पेतिन। ती तप्‍की जम्‍बुलिङकी मीतिवी ख्‍यिराङला ङ्‍यिङ्‍मर किवी।

रोमी 12:2

तमा दी जम्‍बुलिङकी किताङ नालुला येनी मादे, यिने रङगी सेम ति सम्‍बा फोनी ख्‍यिरा थोक्‍ला कोन्‍छ्‍योककी नोवाला ल्‍यामु वोतुप ति काङ यिन, चुक क्‍यानी खोला गा लोङ्‍गुप, चुक क्‍यानी खोकी नोवा दोके क्‍यानी मिजी क्‍योङ्‍गुप, ती तेरी हाक्‍कोवा की।

गलाती 1:10

त ङे सिक्‍यावु ताम्‍ङे ति मीला गा लोङ्‍गुपला यिनाङ की, कोन्‍छ्‍योकला गा लोङ्‍गुपला यिन? याङ्‍ना ङ मीतिवा नेसुर ताङ्‍देन छोलुपला यिन? ङे तरोङ साङ मीतिवा नेसुर ताङ्‍देन छोलुप लाका क्‍यासुङ सिसिन ङ ख्रीष्‍टला शब्‍ज्‍यी कितुप लावा मिन।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 4:4

ओ शम्‍डेन कितुप टेङ, कोन्‍छ्‍योकला तेपा क्‍यानी साङ जम्‍बुलिङला गा कितुप ति कोन्‍छ्‍योक ताङ मुला डला गलुप यिन सिरुप ति ख्‍यिराङला छ्‍या मे? सु दी जम्‍बुलिङला गा किवे, ती ति कोन्‍छ्‍योक ताङ मुला डला गलुप यिन।

१ यूहन्‍ना 3:17

मी ललाइकी खोरो लोला टोङ्‍बा वोसिनाङ खोरो अच्‍युनुपतिवाला कतुकार ख्‍येलुप थोङ्‍सिनाङ तीकी सेम क्‍योङ्‍बु जेवी सिसिन तीकी मुला कोन्‍छ्‍योककी ङ्‍यिङ्‍ज्‍ये गिवी रो?

१ यूहन्‍ना 4:5

यिने लुङ्‍तेम्‍बा मेटेङ्‍बुतिवा जम्‍बुलिङ नेमा क्‍येवु यिन। तुक क्‍यानी तिवा जम्‍बुलिङकी ताम्‍ङे राङ किवी, जम्‍बुलिङकी मीतिवी साङ तिवी ताम्‍ङे राङ ङ्‍येन्‍गिवी।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।