१ यूहन्‍ना 2:14 - कोन्छ्‌योककी सुङ

¹⁴ ङे आङातिवा, ख्‍यिरा पपा कोन्‍छ्‍योकला ङो शेवु तप्‍की ङ ख्‍यिराङला दी यिकी ति टिकिन वोतो। पपातिवा, ख्‍यिरा थल्‍मा नेज्‍यु वोतुप ख्रीष्‍टला ङो शेवु तप्‍की ङ ख्‍यिराङला दी यिकी ति टिकिन वोतो। तमा नाज्‍युङतिवा, ख्‍यिरा तेपा ति रम्‍बु वोतुप ताङ कोन्‍छ्‍योककी सुङला ङ्‍येन्‍नी दुक्‍टाकी खला साङ ग्‍येलुप तप्‍की ङ ख्‍यिराङला दी यिकी ति टिकिन वोतो।

१ यूहन्‍ना 2:14 Iomraidhean Croise

यूहन्‍ना 15:7

दोजो ख्‍यिराङ ङे मुला देतुप ताङ ङे सुङ ख्‍यिरा सेमला लुसुङ सिसिन ख्‍यिरा काङ लाङ्‍सिनाङ तुकै राङ च्‍युङ्‍गितो।

यूहन्‍ना 5:38

तमा खोकी सुङ साङ ख्‍यिरा सेमला माला वे, च्‍यिलासिसिन खोकी तङ्‍गुप तीला ख्‍यिरा तेपा माक्‍यावु तप्‍की यिन।

यूहन्‍ना 8:31

तमा येशूकी खोला तेपा कितुप यहूदीतिवाला सुङ्‍सुङ, “ख्‍यिराङ ङे येन्‍देनला लुसुङ सिसिन ख्‍यिराङ वुतुङ के ङे लोमातिवा यिनो।

यूहन्‍ना 8:37

ख्‍यिराङ अब्राहामकी गिपा यिन सिरुप ति ङला छ्‍या वे। यिन्‍सिनाङ ख्‍यिरा ङला सेतुप छोल्‍गिवी, च्‍यिलासिसिन ङे सिक्‍यावु ताम्‍ङे ति ख्‍यिरा सेमला मोज्‍योकिवी।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

फिलिप्पी 4:13

च्‍यिलासिसिन ख्रीष्‍टकी नङ्‍गुप ङार नेसुर राङ ङ तेरी ताम्‍ङे कि थुप्‍किवी।

कलस्सी 1:11

तमा कोन्‍छ्‍योककी मोवा वोतुप ङार नेसुर ख्‍यिराङ रम्‍बु च्‍युङ्‍गिवी। तुक क्‍यासिन ख्‍यिराङ तेरी ताम्‍ङेला गा क्‍यानी डेकला देतुप ताङ हम क्‍यानी दे थुप्‍किवी।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

हिब्रू 8:10

येलुङ चोवोकी दुक सुङ्‍सुङ, “ती तुजेकी ज्‍युक्‍ला ङ इस्राएलकी मीतिवी मुला थाक्‍छ्‍येवु ताम्‍ङे च्‍यिक जोयिनो। तिवी नासामला ङ ङे ठिम ति ज्‍याङ तेरिन, तमा तिवी सेमला ति दी ठिमतिवा टिकिनो। तमा ङ ति तिवी कोन्‍छ्‍योक यिनो, तिवा ति ङे ज्‍यिक्‍तेम्‍बातिवा यिनो।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

१ यूहन्‍ना 1:10

येलुङ दोजो दाक्‍पी ङे याङ दिक्‍पा माक्‍या वे सिवी सिसिन, कोन्‍छ्‍योकला दाक्‍पी जिनोक जोप मी दोके जेवी, तमा खोकी सुङ ति दाक्‍पी मिजीला मेवी।

१ यूहन्‍ना 2:13

पपातिवा, ख्‍यिरा थल्‍मा नेज्‍यु वोतुप ख्रीष्‍टला ङो शेवु तप्‍की ङ ख्‍यिराङला दी यिकी ति टिकिन वोतो। नाज्‍युङतिवा, ख्‍यिराङ दुक्‍टाकी खला ग्‍येलुप तप्‍की ङ ख्‍यिराङला दी यिकी ति टिकिन वोतो।

२ यूहन्‍ना 1:2

ङ्‍यिरा ख्‍यिराङला ङ्‍यिङ्‍ज्‍ये क्‍यावु तेन्‍दोक ति कोन्‍छ्‍योककी सुङ टेङ्‍बु ति तन्‍दा तिराङ मिन, नरी सेक दाक्‍पी सेमला लुवु तप्‍की यिन।

३ यूहन्‍ना 1:3

माङ्‍शोक तेपा कितुप नुपतिवा ङे ते वानी ख्‍योरो मिजी टेङ्‍बुकी कोर्ला पङ्‍बु बिन्‍सुङ। तुक क्‍यानी ङला छासे लोदिमु च्‍युङ्‍सुङ।

ज्‍यल्‍का 2:3

तमा ख्‍योरो हम क्‍या देतुप ताङ ङे थोक्‍ला छेटाङ खुरुप ताङ ख्‍योरो ङला क्‍युर्नी माज्‍यकुप साङ ङला छ्‍या वे।

ज्‍यल्‍का 2:7

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला कोन्‍छ्‍योककी ग्‍येल्‍खापकी दुम्‍डोकला वोतुप मिजीकी दोङ्‍बी डेलु स ज्‍यितिन। ती दोङ्‍बी डेलु साप तीला नाम्‍साङ मिशिवु मिजी थोप्‍किवी।’”