१ यूहन्‍ना 2:12 - कोन्छ्‌योककी सुङ

¹² ङे आङातिवा, येशूला तेपा क्‍यानी ख्‍यिरा दिक्‍पा ति कोन्‍छ्‍योककी माफ नङ्‍गुप तप्‍की ङ ख्‍यिराङला दी यिकी ति टिकिन वोतो।

१ यूहन्‍ना 2:12 Iomraidhean Croise

लूका 24:47

तमा खोकी मिङला दिक्‍पा ने सेम ग्‍युर्सिन दिक्‍पा ताकिवी सिरुप लेन ल्‍यामु ति यरूशलेम नेसुर गो चुनी लुङ्‍बा तेरीकी मीतिवाला ख्‍याप्‍टाक किवी।’

लूका 5:20

तमा येशूकी तिवी तेपा थोङ्‍नी सुङ्‍सुङ, “ओ आङो, ख्‍योरो दिक्‍पा तासुङ।”

लोमा छ्‍येतिवी लाका 10:43

खोला तेपा कितुपतिवा तेरीला खोकी मिङ नेमा तिवी क्‍यावु दिक्‍पा ने थर ज्‍यिकिवी सिनी तेरी कोन्‍छ्‍योककी लुङ्‍तेम्‍बातिवी खोकी कोर्ला सिक्‍या वे।”

लोमा छ्‍येतिवी लाका 13:38

ती तप्‍की अच्‍युनुपतिवा, कोन्‍छ्‍योककी शेप ने ङोसु लङ्‍गुप ती येशूकी क्‍या नङ्‍गुप लाका नेसुर कोन्‍छ्‍योककी ख्‍यिराङला दिक्‍पा ने थर ज्‍यितुप ताम्‍ङे ति ख्‍यिराङला हाक्‍कोशी।

लोमा छ्‍येतिवी लाका 4:12

येशू मिसिन सी साङ दिक्‍पा ने थर ज्‍यि मुथुपी। च्‍यिलासिसिन दी जम्‍बुलिङला मी पर्ला कनी साङ दाक्‍पुला दिक्‍पा ने थर ज्‍यितुप यम्‍बा मिङ काङ साङ मे।”

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 4:32

बोरु चुक क्‍यानी येशू ख्रीष्‍टकी क्‍या नङ्‍गुप लाका नेसुर कोन्‍छ्‌योककी ख्‍यिरा दिक्‍पा माफ नङ वे, तुक राङ क्‍यानी ख्‍यिरा साङ च्‍यिककी च्‍यिकला सेम बोल्‍मु ताङ च्‍यम्‍बा क्‍यानी माफ बिन।

कलस्सी 1:14

ती खोकी सेवुकी राङ दाक्‍पुला दिक्‍पा ने थर्वा नङ्‍नी दाक्‍पी दिक्‍पातिवा तेरी ता च्‍यिनी वे।

१ यूहन्‍ना 1:4

दाक्‍पु तेरीला लोदिमु वुङ्‍शी सिनी ङ्‍यिरे दी ताम्‍ङे ति टिवु यिनो।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 1:9

यिने दाक्‍पी ङ दिक्‍छेन यिन सिनी दिक्‍पा ने ग्‍युर्सुङ सिसिन, दाक्‍पी तेरी दिक्‍पातिवा खोकी माफ नङ्‍गिवी, तमा दाक्‍पुला तेरी मेटेङ्‍बु नेसुर टेङ्‍बु जो नङ्‍गिवी। च्‍यिलासिसिन खो खोङ्‍तेर्मु ताङ टेङ्‍बु वोतुप कोन्‍छ्‍योक यिन।

१ यूहन्‍ना 2:1

ङे आङातिवा, ख्‍यिराङला दिक्‍पा माकी सिनी ङे दी ताम्‍ङे ति ख्‍यिरा थोक्‍ला टिवु यिनो। यिने सी दिक्‍पा क्‍यासिनाङ दाक्‍पी छ्‍योला लानी कोन्‍छ्‍योक ताङ मुला ताम्‍ङे लपुप मिरा च्‍यिक वे, खो ति टेङ्‍बु वोतुप चोवो येशू ख्रीष्‍ट यिन।

१ यूहन्‍ना 2:21

ख्‍यिरा टेङ्‍बुला छ्‍या मे सिनी दी यिकी टिवु ति मिन। यिने ख्‍यिरा टेङ्‍बुला छ्‍या वे, तमा टेङ्‍बु नेसुर जिनोक जोप मेङ्‍गिवी सिरुप ति ख्‍यिरा हाक्‍कोवु तप्‍की दी यिकी ति ङे ख्‍यिराङला टिवु यिनो।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।