१ यूहन्‍ना 2:11 - कोन्छ्‌योककी सुङ

¹¹ यिने चुका मी तीकी तेपा कितुप यम्‍बा नुप ताङ नुमला ङ्‍यिङ्‍मर किवे, ती मी ति नक्‍तोमीला राङ युकिवी। तमा खुरुङ कनी डोयी वे सिरुप ति तीकी हाक्‍मोकोवी। च्‍यिलासिसिन दिक्‍पाकी तीला मिक मोथोङ्‍गुप जोवु गिवी।

१ यूहन्‍ना 2:11 Iomraidhean Croise

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 12:40

“कोन्‍छ्‍योककी तिवी मिक ति मोथोङ्‍गुप जो वे, तिवी सेम ति क्‍योङ्बु जो वे। तुक क्‍यानी तिवी मिककी मोथोङ्‍गिवी, सेमगी साङ हाक्‍मोकोवी, तमा ङे थाकाला लोक्‍नी मेङ्‍गिवी। मिसियाङ ङे तिवाला टेक ज्‍यितुप्‍जा।”

२ कोरिन्थी 3:14

ती पेला नेज्‍युनी इस्राएलकी मीतिवी सेम ति तन्‍दा सेक साङ क्‍योङ्‍बु राङ गल वे। च्‍यिलासिसिन तसाम सेक साङ मोशाकी ठिम लाप्‍सिन तिवी सेम ति गुकुर ग्‍यपुप दोके राङ वे। ती गुकुर ति ख्रीष्‍टला तेपा क्‍यासिन तिराङ पे थुप्‍किवी।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

२ पत्रुस 1:9

यिने ती ताम्‍ङेतिवा ख्‍यिरा मिजीला मेसुङ सिसिन थाक्‍रिङ्‍बोला वोतुप च्‍यालक मोथोङ्‍गुप ताङ मिक शर्वा दोके गल्‍नी गोमाला क्‍यावु दिक्‍पा ने थरुप ताम्‍ङेतिवा साङ टोक ज्‍येकिवी।

१ यूहन्‍ना 1:6

दोजो दाक्‍पु खो ताङ मुला डिक्‍जोम च्‍युङ्‍नी तम्‍जी ल्‍यामु वे सिनी सिवी, यिने नक्‍तोमीला राङ युकुप दोके मेटेङ्‍बु किवी सिसिन, दाक्‍पु ति जिनोक जोप ताङ मेटेङ्‍बु यिन।

१ यूहन्‍ना 2:10

तमा चुका मी तीकी तेपा कितुप यम्‍बा नुप ताङ नुमला ङ्‍यिङ्‍ज्‍ये किवे, ती ति ठछ्‍येलीला युकुप मी यिन। तीकी काङ साङ लाका मेलोवा मिकिवी।

१ यूहन्‍ना 2:9

चुका मी तीकी ङ येशूला तेपा क्‍यानी ठछ्‍येलीला युकुप यिन सिवी, यिने तेपा कितुप यम्‍बा नुप ताङ नुमला ङ्‍यिङ्‍मर किवी सिसिन, ती मी ति तरोङ साङ नक्‍तोमीला राङ वोतुप मी यिन।

१ यूहन्‍ना 3:15

रङगी अच्‍युनुपतिवाला ङ्‍यिङ्‍ज्‍ये मिकिवु मीतिवा तेरी शेन्‍बा दोके यिन। तीला नाम्‍साङ मिसिवु मिजी मोथोपिवी सिरुप ति ख्‍यिराङला साङ छ्‍या वे।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।

ज्‍यल्‍का 3:17

ख्‍यिरा याङ ङ छ्‍युक्‍पु वे, ङला नोर टोङ्‍बा बङी वे, ङला काङ साङ मोगोवी सिवी। यिने ख्‍युरुङला छ्‍या मे, ख्‍युरुङ याङ दुक्‍पा ङ्‍येतुप ताङ ल्‍हासिनाङ ङ्‍यिङ्‍ज्‍ये लङ्‍गुप ताङ पेराङ्‍बु ताङ मिक मोथोङ्‍गुप ताङ पेर्तुङ्‍बा गल वे।