१ यूहन्‍ना 2:10 - कोन्छ्‌योककी सुङ

¹⁰ तमा चुका मी तीकी तेपा कितुप यम्‍बा नुप ताङ नुमला ङ्‍यिङ्‍ज्‍ये किवे, ती ति ठछ्‍येलीला युकुप मी यिन। तीकी काङ साङ लाका मेलोवा मिकिवी।

१ यूहन्‍ना 2:10 Iomraidhean Croise

मत्ती 13:21

यिने तीकी लोला मर मेतुप तप्‍की चेयी पर सेक तिराङ लुकिवी। तमा सुङगी तेन्‍दोकला छेटाङ याङ्‍ना दुङल ख्‍येल वासिन तीकी ङ्‍येन्‍दुप सुङ ति शार्क्येक क्‍युर्नी ज्‍योकिवी।

मत्ती 18:7

मीतिवाला दिक्‍पा कि ज्‍यितुप ताम्‍ङे वोतुप तप्‍की दी जम्‍बुलिङला मोताप सुकिवी। तुका दिक्‍पा कि ज्‍यितुप ताम्‍ङे याङ नरी च्‍युङ्‍गिवी, यिन्‍सिनाङ मीतिवाला दिक्‍पा कि ज्‍यितुप तीला ति कोन्‍छ्‍योककी पर्च्या ख्‍येल्‍गिवी।

यूहन्‍ना 11:9

तमा येशूकी तिवाला सुङ्‍सुङ, “ङ्‍यिमा शरुप ति ङ्‍यिमाला घण्‍टा च्‍यिङ्‍ङी मेवी रो? सु ङ्‍यिमी गुङला युकिवे, तीला नर्तुक मग्‍यकिवी, च्‍यिलासिसिन तीकी ङ्‍यिमी गुङगी ठछ्‍येली थोङ्‍गिवी।

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 8:31

तमा येशूकी खोला तेपा कितुप यहूदीतिवाला सुङ्‍सुङ, “ख्‍यिराङ ङे येन्‍देनला लुसुङ सिसिन ख्‍यिराङ वुतुङ के ङे लोमातिवा यिनो।

रोमी 14:13

ती तप्‍की दाक्‍पु तफेन्‍ला च्‍यिककी च्‍यिकला क्‍येन मातेर। बोरु रङगी अच्‍युनुपतिवा युकुप लामला नर्तुक ग्‍यकुप ताम्‍ङे लपुप ताङ तिवाला तोक्‍सा छोकुप ताम्‍ङे मालाप सिनी तेन्‍तेन कितुप।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

२ पत्रुस 1:10

तुक क्‍यानी अच्‍युनुपतिवा, ख्‍यिराङला कोन्‍छ्‍योककी कताङ्‍नी पेन नङ्‍गुप लाका ति मङ तेन्‍तेन कितुपला ङार छ्‍येवु की। तुक क्‍यासिन ख्‍यिराङला नाम्‍साङ नर्तुक माग्‍यकिवी।

१ यूहन्‍ना 2:11

यिने चुका मी तीकी तेपा कितुप यम्‍बा नुप ताङ नुमला ङ्‍यिङ्‍मर किवे, ती मी ति नक्‍तोमीला राङ युकिवी। तमा खुरुङ कनी डोयी वे सिरुप ति तीकी हाक्‍मोकोवी। च्‍यिलासिसिन दिक्‍पाकी तीला मिक मोथोङ्‍गुप जोवु गिवी।

१ यूहन्‍ना 3:14

दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।