१ यूहन्‍ना 2:1 - कोन्छ्‌योककी सुङ

¹ ङे आङातिवा, ख्‍यिराङला दिक्‍पा माकी सिनी ङे दी ताम्‍ङे ति ख्‍यिरा थोक्‍ला टिवु यिनो। यिने सी दिक्‍पा क्‍यासिनाङ दाक्‍पी छ्‍योला लानी कोन्‍छ्‍योक ताङ मुला ताम्‍ङे लपुप मिरा च्‍यिक वे, खो ति टेङ्‍बु वोतुप चोवो येशू ख्रीष्‍ट यिन।

१ यूहन्‍ना 2:1 Iomraidhean Croise

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

यूहन्‍ना 10:15

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

यूहन्‍ना 13:33

ङे ङ्‍यिङ्‍ज्‍येवु आङातिवा, ङ चेयी पर सेक तिराङ ख्‍यिरा मुला लुकितो। ती ज्‍युक्‍ला ख्‍यिरा ङला छोल्‍गिवी, तमा ङे गोमाला यहूदी गोमा कितुपतिवाला सिक्‍यावु दोके तन्‍दा ख्‍यिराङला सिरिन, ‘ङ कनी डिवे, ते ख्‍यिराङ वुङ मुथुप्‍तो।’

यूहन्‍ना 14:16

ङ पपाला गोङ्‍बा शोयी, तमा पपी ख्‍यिराङला यम्‍बा टोङ्‍गु तेरुप यी ताङ्‍नी ख्‍यिरा मुला नरी लु ज्‍यिकितो।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 21:5

ती पेला येशूकी तिवाला “आङातिवा, काङ ख्‍यिरा ङ्‍या जिम्‍बुप?” सिनी टि नाङ्‍सुङ। तमा तिवी खोला “मिन, काङ साङ माजिम वे।” सिनी सिक्‍यासुङ।

यूहन्‍ना 5:14

ती ज्‍युक्‍ला येशूकी ती मी तीला यहूदी ल्‍हङाङला ठेसुङ, तमा तीला “ल्‍होसा, त ख्‍युरुङ टेक्‍सुङ, तफेन्‍ला दिक्‍पा माकिता। मिसियाङ ख्‍युरुङला मङ मेलोक्‍पा ख्‍येल्गितो।” सिनी सुङ्‍सुङ।

यूहन्‍ना 5:36

यिने ङे मुला याङ यूहन्‍नाकी बिन्‍दुप पङ्‍बु सिनाङ पङ्‍बु छ्‍ये वे। पपी ङला तेरी सिन्‍दा कि सिनी ङला नङ्‍गुप दी लाका कियी वोतुप ति खोकी ङला तङ्‍गुप यिन सिनी छ्‍या तेन्‍दुप पङ्‍बु यिन।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

यूहन्‍ना 8:11

तमा ती पुम्‍पेजा तीकी “मिन, चोवो, सी साङ माक्‍या।” सिनी सिक्‍यासुङ। तमा येशूकी तीला “ङ साङ ख्‍युरुङला ठिम मिकी। ख्‍युरुङ ग्‍युक, तमा तफेन्‍ला येलुङ दिक्‍पा माकी।” सिनी सुङ्‍सुङ।

लोमा छ्‍येतिवी लाका 7:52

ख्‍यिरा हङ्‍गावातिवी चुका कोन्‍छ्‍योककी लुङ्‍तेम्‍बातिवाला छेटाङ माबिन वे? टेङ्‍बु वोतुप मी यी गितो सिरुप कोन्‍छ्‍योककी लुङ्‍तेम्‍बातिवा तेरीला तिवी सेसुङ। तमा ख्‍यिरा साङ ती टेङ्‍बु वोतुप तीला क्‍येन बिन्‍नी सेतुप यिन।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

रोमी 8:34

तुक क्‍यानी सी तिवाला क्‍येन तेर्किवी? येशू ख्रीष्‍ट ति मीतिवी दिक्‍पी थोक्‍ला टुङ्‍सिमा ङोसु लानी तन्‍दा कोन्‍छ्‍योककी छ्‍याक यावी थाकाला ज्‍युनी दाक्‍पी छापला मोपोर कियी वे।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 4:19

ङे ङ्‍यिङ्‍ज्‍येवु आङातिवा, ख्‍यिराङ ति ख्रीष्‍टकी दोके मिजी माक्‍योङ्‍वा सेक ङ ति आङा क्‍येप पुम्‍पेजाला सुक ग्‍यपुप दोके छेटाङला ख्‍येल्‍नी दे गोकिवी।

एफिसी 2:18

येशू नेसुर राङ दाक्‍पु ङ्‍यिकरला कोन्‍छ्‌योककी थु चाङ्‍मा ङ्‍येनी ती थु चाङ्‍मा नेमा राङ दाक्‍पु ङ्‍यिकर पपा कोन्‍छ्‍योककी चाला लेप थुप्‍किवी।

एफिसी 4:26

ख्‍यिराङ ङ्‍यिर्मु लासिनाङ दिक्‍पा ति माकी, ङ्‍यिमा गावु सिनाङ गोमाला के ती ङ्‍यिर्मु ति तोर्शी।

१ तिमोथी 2:5

कोन्‍छ्‍योक ति च्‍यिक राङ ज्‍यु वे। तमा कोन्‍छ्‍योक ताङ मीतिवी पर्ला डिक्‍नी तम्‍जी ल्‍यामु जोप मिरा च्‍यिक वे। ती मी ति ख्रीष्‍ट येशू यिन।

१ तिमोथी 3:14

ङ ख्‍योरो ते ङमु राङ वुङ्‍गुप नो वे। यिन्‍सिनाङ दी यिकी ति ङे ख्‍युरुङला टिवु यिनो।

हिब्रू 9:24

तुक क्‍यानी ख्रीष्‍ट याङ मी लाक्‍पी जोवु चाङ्‍मा वोतुप कुरकी नाङ्‍ला फेवु मिन, ती कुर ति देवाच्‍येनकी कुर नेसुर पेशुवु तिराङ यिन। यिने खो ती देवाच्‍येनला राङ फेप्‍सिमा दाक्‍पी छ्‍योकला कोन्‍छ्‍योककी थोङ्‍दाङला ज्‍यु वे।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 3:9

दी दाक्‍पी च्‍येलाककी राङ दाक्‍पी पपा कोन्‍छ्‍योकला सोवा साङ देकिवी, खोकी जुजमला जो नङ्‍गुप मीतिवाला मोताप साङ देप्‍किवी।

१ पत्रुस 2:22

खोकी काङ साङ दिक्‍पा माक्‍या, खोकी ख नेमा जिनोक जोप ताम्‍ङे साङ माथेन।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ यूहन्‍ना 3:18

ङे ङ्‍यिङ्‍ज्‍येवु आङातिवा, ख्‍यिराङ ख तिराङकी ङ्‍यिङ्‍ज्‍ये कितिन सिरुप मिन, यिने लाका टेङ्‍बु क्‍यानी ङ्‍यिङ्‍ज्‍ये छ्‍या तेन।

१ यूहन्‍ना 3:5

दाक्‍पी दिक्‍पा ता ज्‍यितुपला राङ येशू ख्रीष्‍ट फेपुप यिन सिरुप ति ख्‍यिराङला साङ छ्‍या वे। तमा खोला काङ साङ दिक्‍पा मे।

१ यूहन्‍ना 3:7

ङे ङ्‍यिङ्‍ज्‍येवु आङातिवा, ख्‍यिराङला सी साङ जिनोक मोजोशी। सी लाका टेङ्‍बु किवे, ती ति ख्रीष्‍ट टेङ्‍बु वोतुप दोके टेङ्‍बु यिन।

१ यूहन्‍ना 4:4

ङे आङातिवा, ख्‍यिराङ याङ कोन्‍छ्‍योककी पुज्‍युङपुमतिवा यिन। तुक क्‍यानी ख्‍यिराङ लुङ्‍तेम्‍बा मेटेङ्‍बुतिवी खला ग्‍येल वे। च्‍यिलासिसिन जम्‍बुलिङला वोतुपतिवी सिनाङ ख्‍यिरा सेमला वोतुप कोन्‍छ्‍योककी थु चाङ्‍मा ति चोछ्‍ये वे।

१ यूहन्‍ना 5:17

टेङ्‍बु मेतुपतिवा तेरी दिक्‍पा यिन। यिने ललाइ दिक्‍पा साङ गिवी, तीकी ङ्‍येलाला मोक्‍योल्‍वी।

१ यूहन्‍ना 5:21

ङे आङातिवा, ख्‍यिराङ दाक दाक्‍पुला कुतिवा नेसुर र्‍होक्‍नी देता।

३ यूहन्‍ना 1:4

ङे ङ्‍यिङ्‍ज्‍येवु आङातिवा टेङ्‍बु क्‍यानी युकिनोक सिरुप ताम्‍ङे थोवु सिनाङ मङ गाकी लेन ति ङे थोक्‍ला काङ के वोतुप्‍जा?