१ यूहन्‍ना 1:9 - कोन्छ्‌योककी सुङ

⁹ यिने दाक्‍पी ङ दिक्‍छेन यिन सिनी दिक्‍पा ने ग्‍युर्सुङ सिसिन, दाक्‍पी तेरी दिक्‍पातिवा खोकी माफ नङ्‍गिवी, तमा दाक्‍पुला तेरी मेटेङ्‍बु नेसुर टेङ्‍बु जो नङ्‍गिवी। च्‍यिलासिसिन खो खोङ्‍तेर्मु ताङ टेङ्‍बु वोतुप कोन्‍छ्‍योक यिन।

१ यूहन्‍ना 1:9 Iomraidhean Croise

मत्ती 3:6

ते तिवी खोप्‍राङ दिक्छेन यिन सिनी सेम ग्‍युर्सालेन्‍सिन यूहन्‍नाकी तिवाला यर्दन चङ्‍बी नाङ्‍ला बप्‍तिस्‍मा बिन्‍सुङ।

मर्कूस 1:5

तमा यहूदिया लुङ्‍बा ताङ यरूशलेमकी मीतिवा तेरी तीकी चाला गल्‍नी खोरो दिक्‍पा क्‍यावु यिन सिनी ती नेसुर यर्दन चङ्‍बुला बप्‍तिस्‍मा लासुङ।

लूका 22:57

यिने पत्रुसकी सिक्‍यासुङ, “ओ नुमो, ङे याङ तीला ङो राङ मेशेवी।”

यूहन्‍ना 17:25

ओ ठिम टेङ्‍बु क्‍या नङ्‍गुप पपा, जम्‍बुलिङकी मीतिवी पपाला ङो माशे, यिने ङ याङ पपाला ङो शेतिन, तमा ङला तेपा कितुपतिवी साङ पपी ङला तङ्‍गुप यिन सिनी हाक्‍कोनी वे।

लोमा छ्‍येतिवी लाका 19:18

तमा मलोक तेपा क्‍यावु मीतिवा बङी वानी मीतिवी मिङ्‍गाला खोप्‍रे क्‍यावु मेलोवा लाकातिवा क्‍युर्नी सेम ग्‍युर्सुङ।

रोमी 3:26

खोकी हम क्‍यानी पर्च्या माताङ्‍नी तन्‍दा दी कल्‍वाला टेङ्‍बु वोतुप छ्‍या तेन्‍दुप तेन्‍दोक ति खो टेङ्‍बु वोतुप ताङ येशूला तेपा कितुपतिवा तेरी टेङ्‍बु वोतुप ति मीतिवाला हाक्‍को ज्‍यितुपला यिन।

१ कोरिन्‍थी 1:9

कोन्‍छ्‍योक ति खोङ्‍तेर्मु वे। खोकी खोरे सेवु दाक्‍पी चोवो येशू ख्रीष्‍टकी मुला डिक्‍जोम कितुपला ख्‍यिराङला कताङ नङ वे।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 10:23

दाक्‍पुला थाक्‍छ्‍येन नङ्‍गुप कोन्‍छ्‍योक ति खोङ्‍तेर्मु वोतुप तप्‍की दाक्‍पु यिसिक मिसिक माक्‍यानी मीतिवी दोङ्‍ला दाक्‍पी ताम्‍ङे क्‍यावु रेवाला रम्‍बु क्‍यानी देतुप।

हिब्रू 11:11

तेपा नेसुर राङ अब्राहामकी कोन्‍छ्‍योककी थाक्‍छ्‍येन नङ्‍गुप ति तेरी क्‍या नङ्‍गिवी सिनी लो तेन्‍दुप तप्‍की तीकी पेर्मी सारा मिजी गानी आङा मुच्‍युङ्‍गुप वोसिनाङ आङा च्‍युङ्‍सुङ।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।