१ यूहन्‍ना 1:8 - कोन्छ्‌योककी सुङ

⁸ दोजो दाक्‍पी ङला याङ दिक्‍पा राङ मे सिवी सिसिन, दाक्‍पी दाक्‍पुला राङ जिनोक जोवु दोके यिन। तमा दाक्‍पी सेमला टेङ्‍बु मेतुप यिन।

१ यूहन्‍ना 1:8 Iomraidhean Croise

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

रोमी 3:10

ती तप्‍की कोन्‍छ्‍योककी सुङला दुक सिनी टि वे, “कोन्‍छ्‍योककी थोङ्‍दाङला टेङ्‍बु वोतुप सु साङ मे, मिरा च्‍यिक साङ मे।

रोमी 3:23

च्‍यिलासिसिन मी तेरीकी दिक्‍पा क्‍यावु तप्‍की सु साङ मोवा वोतुप कोन्‍छ्‍योककी चिप्‍ला लेप मुथुप्‍नोक।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

गलाती 6:3

दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

याकूब 1:22

ख्‍यिराङ कोन्‍छ्‍योककी सुङला ङ्‍येन्‍दुप तिराङ क्‍यानी रङला जिनोकला मेख्‍येल्‍शी, यिने खोकी सुङला यु।

याकूब 1:26

दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

याकूब 3:2

दाक्‍पु तेरीकी च्‍यिक मे च्‍यिक याङ मेलोवा क्‍यावु राङ गिवी। चुका मी तीकी खोरो ख डेकला ज्‍योकिवे, तीकी खोरो जुला साङ डेकला ज्‍योकिवी। तमा ती ति मी टेङ्‍बु च्‍युङ्‍गिवी।

२ पत्रुस 2:13

तिवी दुक्‍टा क्‍यावु तप्‍की तिवी छ्‍येर्पा ति खोप्‍रे राङ खुर गोकिवी। तिवा ङ्‍यिमी गुङला छ्‍याङ आराक थुनी देतुप ति गा किवी, तिवा ङोछा मेतुप ताङ ताङ्‍देन कि मोछ्‍योवु मी यिन। तिवी ख्‍यिराङ मुला राङ देनी साप ताङ थुङ्‍गुप पेला साङ नरी जिनोक जोप तिराङ गा किवी।

१ यूहन्‍ना 1:10

येलुङ दोजो दाक्‍पी ङे याङ दिक्‍पा माक्‍या वे सिवी सिसिन, कोन्‍छ्‍योकला दाक्‍पी जिनोक जोप मी दोके जेवी, तमा खोकी सुङ ति दाक्‍पी मिजीला मेवी।

१ यूहन्‍ना 1:6

दोजो दाक्‍पु खो ताङ मुला डिक्‍जोम च्‍युङ्‍नी तम्‍जी ल्‍यामु वे सिनी सिवी, यिने नक्‍तोमीला राङ युकुप दोके मेटेङ्‍बु किवी सिसिन, दाक्‍पु ति जिनोक जोप ताङ मेटेङ्‍बु यिन।

१ यूहन्‍ना 2:4

यिने चुका मी तीकी ङ कोन्‍छ्‍योकला ङो शेकिवी सिनी सिवी, यिने खोकी कला ति मुयुकिवी सिसिन, ती मी ति जिनोक जोप यिन, टेङ्‍बु वोतुप मिन।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।

२ यूहन्‍ना 1:2

ङ्‍यिरा ख्‍यिराङला ङ्‍यिङ्‍ज्‍ये क्‍यावु तेन्‍दोक ति कोन्‍छ्‍योककी सुङ टेङ्‍बु ति तन्‍दा तिराङ मिन, नरी सेक दाक्‍पी सेमला लुवु तप्‍की यिन।

३ यूहन्‍ना 1:3

माङ्‍शोक तेपा कितुप नुपतिवा ङे ते वानी ख्‍योरो मिजी टेङ्‍बुकी कोर्ला पङ्‍बु बिन्‍सुङ। तुक क्‍यानी ङला छासे लोदिमु च्‍युङ्‍सुङ।