१ यूहन्‍ना 1:5 - कोन्छ्‌योककी सुङ

⁵ ङ्‍यिरा येशू ख्रीष्‍ट नेमा थोवु लेन ल्‍यामु ति ख्‍यिराङला शेतिनो। ती ति काङ यिन सिसिन कोन्‍छ्‍योक ति ठछ्‍येली वोतुप वोसिर टेङ्‍बु वे। खोकी मुला काङ साङ नक्‍तोमी वोतुप दोके मेटेङ्‍बु मे।

१ यूहन्‍ना 1:5 Iomraidhean Croise

यूहन्‍ना 1:19

यहूदीतिवी यरूशलेम नेसुर कोङ्‍यार छ्‍येतिवा ताङ लेवीतिवाला यूहन्‍नाकी चाला ताङ्‍नी तीला “ख्‍युरुङ सु यिन?” सिनी टि च्‍यिसुङ।

यूहन्‍ना 1:4

खोरे ज्‍ये नङ्‍गुपतिवा तेरीकी ती सुङ नेसुर मिजी थोप्‍सुङ, ती मिजी ति मीतिवी वोसिर यिनोक।

यूहन्‍ना 1:9

तमा मीतिवा तेरीला ठछ्‍येली तेरुप ती वोसिर टेङ्‍बु ति जम्‍बुलिङला फेपिन नोक।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

यूहन्‍ना 9:5

जम्‍बुलिङला वोता सेक ङ ति जम्‍बुलिङकी वोसिर यिन।”

१ कोरिन्‍थी 11:23

दी ङे बिन्‍दुप येन्‍देन ति चोवो येशू नेमा राङ ङला थोपुप यिन। खो डकी लकला जिम्‍बुप नुपला खोकी शुब्‍ज्‍याङ लकला लासुङ।

१ तिमोथी 6:16

खो तिराङ नरीकी नरी लुवु वे। खो ति वोसिरला ज्‍युकिवी, तमा ती वोसिरकी चिप्‍ला सु साङ डो मुथुपी। खोला सी साङ नाम्‍साङ माथोङ वे, याङ्‍ना थोङ साङ मुथुपी। खोला राङ ताङ्‍देन ताङ ओङ्‍ज्‍येन ति नरीकी नरी वुङ्‍शी। आमिन।

याकूब 1:17

ल्‍यामु वोतुप ताङ काङ साङ ङ्‍युङ्‍मु मेतुप कटिनकी ङ्‍येम्‍बातिवा तेरी पपा कोन्‍छ्‍योक नेमा गिवी। खोकी वोसिर तेरी ज्‍येनी नाङ्‍सुङ। खो ति नाम्‍साङ मोफोवी, तमा उलाकी नक्‍तोमी फोवु दोके मोफोवी।

१ यूहन्‍ना 3:11

ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

ज्‍यल्‍का 21:23

ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।

ज्‍यल्‍का 22:5

ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।