१ यूहन्ना 1:2 - कोन्छ्योककी सुङ2 ती मिजी ति जम्बुलिङला फेवु ङ्यिरा थोङ्सुङ। तुक क्यानी ती नाम्साङ मिशिवु मिजीकी कोर्ला ङ्यिराङ ख्यिराङला पङ्बु बिन्नी सिरिन। ती मिजी ति थल्माला के पपा कोन्छ्योककी मुला नोक, ती ति ङ्यिरा पर्ला फेप्सुङ। Faic an caibideil |
१ यूहन्ना 1:2
37 Iomraidhean Croise
मीतिवाला दिक्पा वोतुप तप्की मोशाकी ठिमकी काङ साङ कि मुथुप्नोक, यिने कोन्छ्योककी तिवी थोक्ला क्यासुङ। तीकी तेन्दोक ति खोकी च्यिक राङ वोतुप सेवु येशू ख्रीष्ट ति दिक्छेन दोके दी जम्बुलिङला ताङ्नी मीतिवी दिक्पी थोक्ला जिन्बा च्युङ्सुङ। तमा मीतिवी क्यावु दिक्पाकी छ्येर्पा ति खोकी खला ख्येल च्यिसुङ।
वुतुङ के छ्याकला वोतुप दाक्पी क्यावु तेपाकी तेन्दोक ति छासे छ्ये वे। “येशू ख्रीष्ट ति मी जुजमला दी जम्बुलिङला फेप्सुङ। तमा कोन्छ्योककी थु चाङ्माकी खोला टेङ्बु वोतुप सिनी चिसुङ। खो देवाच्येनकी लेन क्योलुप थुतिवी पर्ला थोङ्सुङ। तमा खोकी कोर्ला लुङ्बा लुङ्बाला ख्याप्टाक क्यासुङ। जम्बुलिङकी मीतिवी खोला तेपा क्यासुङ। येलुङ कोन्छ्योककी खोला ताङ्देन ताङ क्यानी देवाच्येन ने तेक्नी फेप्सुङ।”
दाक्पुला छ्या वोतुप ति काङ यिन सिसिन, कोन्छ्योककी सेवु दी जम्बुलिङला फेप्नी दाक्पी खोला ङो शेवु रिक्पा नङ्सुङ। तुक क्यानी खो टेङ्बु यिन सिरुप ति दाक्पी हाक्कोकिवी। तमा खो ताङ मुला दाक्पी तम्जी ल्यामु वे, खोकी सेवु येशू ख्रीष्टकी मुला साङ तम्जी ल्यामु वोतुप हाक्कोकिवी। ती येशू ख्रीष्ट ति टेङ्बु वोतुप कोन्छ्योक यिन। खोकी दाक्पुला नाम्साङ मिशिवु मिजी नङ्गिवी।
Sanasan