१ यूहन्‍ना 1:10 - कोन्छ्‌योककी सुङ

¹⁰ येलुङ दोजो दाक्‍पी ङे याङ दिक्‍पा माक्‍या वे सिवी सिसिन, कोन्‍छ्‍योकला दाक्‍पी जिनोक जोप मी दोके जेवी, तमा खोकी सुङ ति दाक्‍पी मिजीला मेवी।

१ यूहन्‍ना 1:10 Iomraidhean Croise

यूहन्‍ना 3:33

यिने सी खोकी पङ्‍बुला तेपा किवे, तीकी कोन्‍छ्‍योक ति टेङ्‍बु वे सिनी तेन्‍तेन किवी।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

१ यूहन्‍ना 1:8

दोजो दाक्‍पी ङला याङ दिक्‍पा राङ मे सिवी सिसिन, दाक्‍पी दाक्‍पुला राङ जिनोक जोवु दोके यिन। तमा दाक्‍पी सेमला टेङ्‍बु मेतुप यिन।

१ यूहन्‍ना 2:14

ङे आङातिवा, ख्‍यिरा पपा कोन्‍छ्‍योकला ङो शेवु तप्‍की ङ ख्‍यिराङला दी यिकी ति टिकिन वोतो। पपातिवा, ख्‍यिरा थल्‍मा नेज्‍यु वोतुप ख्रीष्‍टला ङो शेवु तप्‍की ङ ख्‍यिराङला दी यिकी ति टिकिन वोतो। तमा नाज्‍युङतिवा, ख्‍यिरा तेपा ति रम्‍बु वोतुप ताङ कोन्‍छ्‍योककी सुङला ङ्‍येन्‍नी दुक्‍टाकी खला साङ ग्‍येलुप तप्‍की ङ ख्‍यिराङला दी यिकी ति टिकिन वोतो।

१ यूहन्‍ना 2:4

यिने चुका मी तीकी ङ कोन्‍छ्‍योकला ङो शेकिवी सिनी सिवी, यिने खोकी कला ति मुयुकिवी सिसिन, ती मी ति जिनोक जोप यिन, टेङ्‍बु वोतुप मिन।

१ यूहन्‍ना 4:4

ङे आङातिवा, ख्‍यिराङ याङ कोन्‍छ्‍योककी पुज्‍युङपुमतिवा यिन। तुक क्‍यानी ख्‍यिराङ लुङ्‍तेम्‍बा मेटेङ्‍बुतिवी खला ग्‍येल वे। च्‍यिलासिसिन जम्‍बुलिङला वोतुपतिवी सिनाङ ख्‍यिरा सेमला वोतुप कोन्‍छ्‍योककी थु चाङ्‍मा ति चोछ्‍ये वे।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

२ यूहन्‍ना 1:2

ङ्‍यिरा ख्‍यिराङला ङ्‍यिङ्‍ज्‍ये क्‍यावु तेन्‍दोक ति कोन्‍छ्‍योककी सुङ टेङ्‍बु ति तन्‍दा तिराङ मिन, नरी सेक दाक्‍पी सेमला लुवु तप्‍की यिन।