१ यूहन्‍ना 1:1 - कोन्छ्‌योककी सुङ

¹ दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

१ यूहन्‍ना 1:1 Iomraidhean Croise

लूका 1:2

तिवी ती च्‍युङ्‍गुप ताम्‍ङेतिवा थल्‍मा नेज्‍युन खोरो मिककी थोङ्‍गुप ताङ कोन्‍छ्‍योककी सुङ ख्‍याप्‍टाक कितुपतिवा नेसुर ङ्‍यिरा थोवु दोके टि वे।

लूका 24:39

ख्‍यिराङ ङे लाक्‍पा ताङ काङ्‍बा ल्हो। ङ राङ यिन! ङला थो ताङ्‍नी ल्हो। र्‍हेन्‍डी ति श ताङ रुकक मेवी, यिने ङ याङ ख्‍यिरा थोङ्‍गुप दोके श ताङ रुकक वे।”

यूहन्‍ना 19:35

ती थोङ्‍गुप मी तीकी ती ताम्‍ङेकी कोर्ला पङ्‍बु बिन वे। तुक क्‍यानी तीकी पङ्‍बु ति टेङ्‍बु यिन। तीकी खोरो पङ्‍बु बिन्‍दुप ति वुतुङ के च्‍युङ्‍गुप ताम्‍ङे यिन सिनी छ्‍या वे, तमा ख्‍यिरा साङ ती ताम्‍ङेला तेपा किशी सिनी तीकी ती पङ्‍बु बिन्‍दुप यिन।

यूहन्‍ना 20:27

तमा खोकी थोमाला “ख्‍योरो लाक्‍पी थेप्‍तोक ङे लाक्‍पाला ज्‍याक्‍नी ल्हो, तमा ख्‍योरो लाक्‍पा ङे याशिङ्‍बाला ज्योक। यिन्‍दे मिन्‍दे नो माक्‍यानी ङ सेन्‍बु लावु ति तेपा की।” सिनी सुङ्‍सुङ।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 8:58

तमा येशूकी तिवाला “वुतुङ के ङ ख्‍यिराङला सिरिन, अब्राहाम क्‍येप सिनाङ गोमाला के ङ वोतुप यिन।” सिनी सुङ्‍सुङ।

लोमा छ्‍येतिवी लाका 1:3

खोकी दुक्‍पा खुर्नी ङोसु लासिमा तिवाला खो ङोसु लावु ति हाक्‍को ज्‍यितुपला पङ्‍बु बङी छ्‍या तेन्‍सुङ। तमा ङ्‍यिमा खल ङ्‍यी सेक थेङ्‍मा अलायी खोरो लोमा छ्‍येतिवी पर्ला राङ छ्‍यर्नी तिवाला कोन्‍छ्‍योककी ग्‍येल्‍खापकी कोर्ला सुङ्‍सुङ।

लोमा छ्‍येतिवी लाका 4:20

च्‍यिलासिसिन ङ्‍यिरा थोङ्‍गुप ताङ थोवु ताम्‍ङेतिवा सि माक्‍यावा क्‍यानी ङ्‍यिराङ दे मुथुपी।”

हिब्रू 2:3

दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।

१ यूहन्‍ना 4:14

ङ्‍यिरा थोङ्‍गुप पङ्‍बु ति काङ यिन सिसिन, कोन्‍छ्‍योककी खोरे सेवु साङ जम्‍बुलिङकी मीतिवा दिक्‍पा ने थर ज्‍यितुपला नाङ्‍सुङ।

१ यूहन्‍ना 5:7

पङ्‍बु तेरुप ति सुम चोके वे।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 19:13

खोकी ठकला ङ्‍योवु मज्‍या कोन्‍नोक। तमा खोकी मिङ ती “कोन्‍छ्‍योककी सुङ” यिनोक।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।