१ कोरिन्‍थी 8:3 - कोन्छ्‌योककी सुङ

³ यिने ललाइकी कोन्‍छ्‍योकला ङ्‍यिङ्‍ज्‍ये किवी सिसिन कोन्‍छ्‍योककी साङ तीला ङो शेकिवी।

१ कोरिन्‍थी 8:3 Iomraidhean Croise

मत्ती 7:23

ती पेला ङ वुतुङ के ख्‍यिराङला ‘ओ, ख्‍यिराङ दुक्‍टा कितुपतिवा! ङे ख्‍यिराङला ङो राङ माशे। ख्‍यिराङ ङे चा नेमा ग्‍युक!’ सिनी सिरिन।”

यूहन्‍ना 10:14

ङ ति गोठाला ल्‍यामु यिन। ङे याङ ङरा लुकतिवाला ङो शेकिवी, ङे लुकतिवी साङ ङला ङो शेकिवी।

यूहन्‍ना 21:17

तमा थेङ्‍मा सुम्‍बाला येशूकी पत्रुसला “यूहन्‍नाकी पुज्‍युङ सिमोन, काङ ख्‍युरुङ ङला ङ्‍यिङ्‍ज्‍ये किवी?” सिनी टि नाङ्‍सुङ। खोकी थेङ्‍मा सुम सेक “ख्‍योरो ङला ङ्‍यिङ्‍ज्‍ये किवी?” सिनी टिन नङ्‍सिमा पत्रुसला छासे पप लानी येशूला “चोवो, चोवोला राङ तेरी छ्‍या वे। चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। येलुङ येशूकी पत्रुसला सुङ्‍सुङ, “ख्‍योरो ङे लुकतिवाला चोसा।

रोमी 11:2

कोन्‍छ्‍योककी तोङ नेज्‍युनी खोकी पेतुप मीतिवाला नाम्‍साङ क्‍युर्नी माज्‍याक। खोकी सुङगी नाङ्‍ला खोकी लुङ्‍तेम्‍बा एलियाकी कोर्ला काङ सिक्‍या वे ख्‍यिराङला छ्‍या मे? खोकी इस्राएलकी मीतिवी तेन्‍दोकला लानी कोन्‍छ्‍योकला दुक सिनी रेन्‍सुङ,

१ कोरिन्‍थी 13:12

तन्‍दा ति दाक्‍पी कोन्‍छ्‍योकला छल्‍नी ल्‍हासिनाङ ल्‍यामो क्‍यानी मोथोङ्‍गिवी, यिने ज्‍युक्‍ला ति दाक्‍पी कोन्‍छ्‍योकला ठछ्‍येली थोङ थुप्‍किवी। तन्‍दा ङे चेयी तिराङ हाक्‍कोकिवी, यिने तुजे छेसिमा कोन्‍छ्‍योककी ङे थोक्‍ला तेरी ताम्‍ङे ठछ्‍येली हाक्‍कोवु दोके ङे साङ तेरी ल्‍यामो क्‍यानी हाक्‍कोकिवी।

१ कोरिन्‍थी 2:9

ती तप्‍की कोन्‍छ्‍योककी सुङला साङ दुक सिनी टि वे, “मीतिवी मिककी माथोङ्‍गुप ताङ नम्‍ज्‍योक माथोवु ताङ नासाम मातङ्‍गुप तेरी ताम्‍ङेतिवा कोन्‍छ्‍योकला ङ्‍यिङ्‍ज्‍ये कितुपतिवी थोक्‍ला खोकी टडिक क्‍यानी वे।”

गलाती 4:9

यिने त याङ ख्‍यिरा कोन्‍छ्‍योकला ङो शेनी वे, खोकी साङ ख्‍यिराङला ङो शेनी वे। यिन्‍सिनाङ ख्‍यिराङ च्‍यिला ओङ मेतुप ताङ फेन मोथोवु जम्‍बुलिङकी ल्हलुकी ओङला लोक्‍नी शब्‍ज्‍यी कितुप नो किवी?

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

१ यूहन्‍ना 4:19

दाक्‍पु च्‍यिककी च्‍यिकला ङ्‍यिङ्‍ज्‍ये किवी, च्‍यिलासिसिन कोन्‍छ्‍योककी गोमाला के दाक्‍पुला ङ्‍यिङ्‍ज्‍ये क्‍या नाङ्‍सुङ।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:19

ख्‍योरो काङ काङ किवी, ख्‍योरो ङला चो ङ्‍यिङ्‍ज्‍ये किवी, ख्‍योरो ङला चो तेपा किवी, ख्‍योरो ङला चो शब्‍ज्‍यी किवी, तमा ख्‍युरुङ ङे थोक्‍ला हम क्‍यानी गुनी देकिवी सिरुप ति ङला तेरी छ्‍या वे। येलुङ ख्‍योरो ङला गोमाला सिनाङ तसाम मङ शब्‍ज्‍यी किवी सिरुप साङ ङला छ्‍या वे।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।