2 ङ ख्यिराङला काङ सिरिन सिसिन, शम्डेन कितुप नासाम बङी शरुप तप्की ख्योक्पेजातिवी दाक दाक्पी थोक्ला पेर्मी लङ्शी, पुम्पेजातिवाला साङ दाक दाक्पी थोक्ला ख्योवा वोशी।
यिने ङ ख्यिराङला सिरिन, सी शम्डेन क्यावु तप्की मिसिन खोरो पेर्मीला क्युर्नी ज्योकिवे, तीकी ती पेर्मीला शम्डेन कि च्यितुप यिन। तमा सी क्युर्नी ज्यकुप पुम्पेजाला जेन्दी किवे, तीकी साङ शम्डेन क्यावु राङ यिन।”
तुक क्यानी ङ ख्यिराङला सिरिन, शम्डेन कितुप नेसुर कुतुक दे। मीतिवी क्यावु यम्बा दिक्पातिवा तेरी खोरो जुकी फिला मेलोवा जेवी, यिने शम्डेन कितुप मी तीकी खोरो जुला राङ मेलोवा जेवी।
ख्यिरा ङला मीतिवी जेन्दी माक्यावु राङ ल्यामु यिन सिनी यिकी टिनी तङ्गुप कोर्ला ताम्ङे कितुप।
ख्योवाकी खोरो पेर्मीकी थोक्ला कि गोवु लाका ति तेरी की, पेर्मीकी साङ खोरो ख्योवी थोक्ला कि गोवु लाका ति तेरी की।
यिने तिवा सेम डेकला ज्योक मुथुपी सिसिन जेन्दी किशी। च्यिलासिसिन सेम डेकला ज्योक मुथुवु सिनाङ बोरु जेन्दी क्यावु राङ ल्यामु यिन।
तुक राङ क्यानी ख्योवातिवी साङ दाक दाक्पी पेर्मीला खोरुङला दोके ङ्यिङ्ज्ये कि गोकिवी। खोरो पेर्मीला ङ्यिङ्ज्ये कितुप तीकी खोरुङला साङ ङ्यिङ्ज्ये किवी।
काङ यिन्सिनाङ ख्यिराङ तेरीकी दाक दाक्पी पेर्मीला रङला दोके ङ्यिङ्ज्ये किशी, पेर्मीतिवी साङ रङगी ख्योवाला ताङ्देन किशी।
ख्यिराङ दाक दाक्पुला टेङ्बु क्यानी रङगी पेर्मीला ताङ्देन की,
तिवी जेन्दी कितुप मेवी, ललाइ समा साङ साप मेवी सिनी ग्येकिवी। यिने ती समातिवा ति तेपा कितुपतिवा ताङ टेङ्बु काङ यिन सिनी ङो शेवुतिवी थुचिछे पुल्नी सापला कोन्छ्योककी ज्ये नङ्गुप यिन।