१ कोरिन्‍थी 3:3 - कोन्छ्‌योककी सुङ

³ ख्‍यिराङ तेपा क्‍यासिनाङ तरोङ साङ जम्‍बुलिङकी ओङला वोतुप मीतिवा दोके राङ वे। च्‍यिलासिसिन ख्‍यिरा पर्ला ठतोक कितुप ताङ खाँदा कितुप किवी। ख्‍यिराङ तुक कितुप ति जम्‍बुलिङकी ओङला वोतुप मीतिवी क्‍यावु दोके मिन रो?

१ कोरिन्‍थी 3:3 Iomraidhean Croise

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

१ कोरिन्‍थी 1:11

च्‍यिलासिसिन ख्‍यिरा पर्ला खाँदा शोर्नोक सिरुप लेन ति क्‍लोएकी मिछाङकी मीतिवी ङला बिन्‍सुङ।

१ कोरिन्‍थी 11:18

ख्‍यिराङ चर्चला जोम्‍बुप पेला गोमाला के ख्‍यिरा पर्ला ख्‍ये पेनोक सिरुप ति ङे थोसुङ। ती ताम्‍ङे ति टेके साङ यिन।

१ कोरिन्‍थी 3:4

ख्‍यिराङ ललाइकी “ङ पावलकी मी यिन।”, तमा ललाइकी “ङ ति अपोल्‍लोसकी मी यिन।” सिनी खाँदा किनोक लो। ख्‍यिरा तुक कितुप ति थोसिमा ख्‍यिराङ ति जम्‍बुलिङकी ओङला वोतुप मीतिवा दोके यिन सिरुप ति ङे हाक्‍कोसुङ।

२ कोरिन्थी 12:20

ङ ख्‍यिरा ते वुङ्‍गुप पेला ख्‍यिराङ ङे नोवाला वोतुप दोके ठेकिताङ मेठेताङ, ङ साङ ख्‍यिरा नोवाला वोतुप दोके ठेकिताङ मेठेताङ सिनी ङला ज्‍यिवा लानी वे। तमा ख्‍यिरा पर्ला खाँदा कितुप ताङ ठतोक कितुप ताङ ङ्‍यिर्मु कितुप ताङ रङगी थोक्‍ला तिराङ नासाम तोङ्‍गुप ताङ मी यम्‍बाला ताम्‍ङे मेलोवा कितुप ताङ मीला मेतुप ताङ छ्‍येजु कितुप ताङ खुरुङ राङ सेम नोजु क्‍यानी युकुप गल वे सिनी ङला छासे ज्‍यिवा लानी वे।

गलाती 5:15

यिने ख्‍यिराङ नाठुङकी सेम्‍ज्‍येनतिवा दोके च्‍यिककी च्‍यिकला फेतुप ताङ सेवी सिसिन ख्‍यिरा पर्ला राङ ना डोप लाका यिनो। तीकी कोर्ला ख्‍यिराङ च्‍याङ्‍से देता।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

याकूब 3:16

कनी ठतोक कितुप ताङ खुरुङला तिराङ च्‍युङ्‍शी सिरुप सेम नोके, ते खाँदा शोरुप ताङ तेरी परकी लाका दुक्‍टातिवा गिवी।

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।