१ कोरिन्‍थी 13:3 - कोन्छ्‌योककी सुङ

³ दोजो ङे मुला वोतुप नोर टोङ्‍बातिवा तेरी पेराङ्‍बुतिवाला गोनी बिनिन, तमा मीतिवाला छ्‍या देन्‍दुपला ङे जु तिरुङ मेला र्‍हेकुपला बिन्‍सिनाङ ङे सेमला ङ्‍यिङ्‍ज्‍ये मेसिन ङला काङ साङ ख्‍येप्‍साङ मेङ्‍गिवी।

१ कोरिन्‍थी 13:3 Iomraidhean Croise

मत्ती 23:5

तिवी क्‍यावु तेरी लाकातिवा ति मीतिवाला छ्‍या देन्‍दुपला किवी। तिवा कोन्‍छ्‍योककी ठिमतिवा टिवु ति राकी नाङ्‍ला तुम्‍नी ग्‍येर्पु ग्‍येर्पु जोनी टली लोला ताङ लाक्‍पी लोला दोकिवी। तमा फिला कोन्‍दुप मज्‍यी लोला पोजर रिङ्‍बु रिङ्‍बु देन्‍गिवी।

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

लूका 18:28

तमा पत्रुसकी सिक्‍यासुङ, “ल्‍हो ताङ, ङ्‍यिरा याङ रङगी तेरी क्‍युर ज्‍याक्‍नी गेकेनकी तिङ्‍ला तिङ्‍यायिन।”

लूका 19:8

यिने जखायसकी खोक लानी चोवोला सिक्‍यासुङ, “चोवो, ल्‍होसा! त याङ ङ ङे टोङ्‍बा फेका यी पेराङ्‍बुतिवाला गोनी तेरिन। तमा ङे मी ललाइला क्‍येन्‍नी काङ रे च्‍यिक रे ठोवु वोसिन तीकी दोम्‍बा ज्‍यी फर लोक्‍नी तेरिन।”

यूहन्‍ना 12:43

तिवा कोन्‍छ्‍योक नेमा वुङ्‍गुप मोवा छोलुप सिनाङ मीतिवी खोप्‍राङला ताङ्देन क्‍यावु ति मङ गा किनोक।

यूहन्‍ना 13:37

येलुङ पत्रुसकी खोला “चोवो, ङ च्‍यिला तन्‍दा राङ तिङ्‍योक मुथुपी? ङ याङ चोवोकी थोक्‍ला शि राङ गोसिनाङ शेयिन।” सिनी सिक्‍यासुङ।

यूहन्‍ना 15:13

रङगी दाल्‍जी थोक्‍ला खोरुङ राङ शेप सिनाङ मङ ङ्‍यिङ्‍ज्‍ये छ्‍ये ति मे।

यूहन्‍ना 6:63

नाम्‍साङ मिशिवु मिजी नङ्‍गुप ति कोन्‍छ्‍योककी थु चाङ्‍मा यिन, तमा जु ति काङ साङ फेन मोथोवी। ङे ख्‍यिराङला सिक्‍यावु दी ताम्‍ङे ति कोन्‍छ्‍योककी थु चाङ्‍मा ताङ नाम्‍साङ मिशिवु मिजीकी कोर्ला यिन।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

गलाती 5:26

दाक्‍पु ङ राङ यिन सिरुप मेवी, च्‍यिककी च्‍यिकला ङ्‍यिर्मु लोङ्‍गुप मेवी, तमा च्‍यिककी च्‍यिकला ठतोक साङ कितुप मेवी।

फिलिप्पी 2:3

खोरो थोक्‍ला तिराङ नासाम तोङ्‍गुप ताङ अम्‍बारङ्‍शिङ कितुप मिन, यिने कुसु ज्‍यम्‍बु क्‍यानी च्‍यिककी च्‍यिकला खुरुङ सिनाङ छ्‍ये यिन सिनी नो की।

१ तिमोथी 4:8

च्‍यिलासिसिन जुकी थोक्‍ला तालिम क्‍यावु ति चेयी तिराङ फेन थोकिवी। यिने कोन्‍छ्‍योककी थोक्‍ला तालिम क्‍यावु ति तेरी ताम्‍ङेला फेन थोकिवी, तमा ज्‍युक्‍थमाला कोन्‍छ्‍योककी थाक्‍छ्‍येन नङ्‍गुप नाम्‍साङ मिशिवु मिजी थोप्‍किवी।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।