१ कोरिन्‍थी 1:7 - कोन्छ्‌योककी सुङ

⁷ तुक क्‍यानी ख्‍यिराङ दाक्‍पी चोवो येशू ख्रीष्‍ट लोक्‍नी फेवु तुजेला गुनी देतुप तप्‍की कोन्‍छ्‍योककी ख्‍यिराङला खोकी थु चाङ्‍माकी नङ्‍गुप ङ्‍येम्‍बा साङ बङी नङ्‍गिवी।

१ कोरिन्‍थी 1:7 Iomraidhean Croise

मत्ती 25:1

येलुङ येशूकी सुङ्‍सुङ, “देवाच्‍येनकी ग्‍येल्‍खाप ति दाक दाक्‍पी लकला दिप्‍ली खुर्नी माक्‍पा ठे गलुप जेन्‍दी माक्‍यावु पुम्‍पेजा मिरा च्‍यिथम्‍बाकी पे दोके यिन।

लूका 12:36

तमा खोरो ज्‍यिन्‍दाक जेन्‍दीकी डेन नेमा लोक्‍नी वानी गोला डक डक ग्‍यप्‍सिन शार्क्येक गो बेतुपला गुनी देतुप लावातिवा दोके वुङ गोकिवी।

लूका 17:30

ङ मी पुज्‍युङ वुङ्‍गुप पेला साङ तुकै राङ डितो।

रोमी 8:19

कोन्‍छ्‍योककी ज्‍ये नङ्‍गुपतिवा तेरीकी खोकी पेजातिवा वुङ्‍गुप ति ल्‍हापला छासे रेवा क्‍यानी गुनी देन वे।

रोमी 8:23

तिवा तिराङ मिन, खोकी थु चाङ्‍मा नेसुर गोमाला गरुप डेलु यिन्दुप दाक्‍पु साङ खोकी पेजातिवा च्‍युङ्‍गुपला ताङ खोकी दाक्‍पी मिजी ति तेरी थर्वा नङ्‍शी सिनी दुक्‍पा वोसिनाङ रेवा क्‍यानी गुनी देन वे।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

२ कोरिन्थी 12:13

ख्‍यिराङला ङे थोक्‍ला डोसुम नाङ सिनी ताम्‍ङे माक्‍यावु ति मिसिन ङे यम्‍बा चर्चकी मीतिवाला सिनाङ ख्‍यिराङला काङ मेलोक्‍पा क्‍यासुङ रो? तुकै यिन्‍सिन तीकी कोर्ला ङे ख्‍यिराङला माफ लोङ गोकिवी।

गलाती 5:5

च्‍यिलासिसिन दाक्‍पु ति कोन्‍छ्‍योककी थु चाङ्‍मा नेमा खोला तेपा क्‍यानी टेङ्‍बु च्‍युङ्‍गुप रेवाला गुनी देकिवी।

फिलिप्पी 3:20

यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

१ पत्रुस 5:4

तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।

२ पत्रुस 3:12

ख्‍यिराङ कोन्‍छ्‍योककी ठिम क्‍या नङ्‍गुप तुजेला गुनी देन वे, तमा ती तुजे ति ङमु राङ वुङ्‍शी सिनी नो की। खोकी तुजे छेवु छेर्मु नामतिवा छिक्‍नी ना डिवी, ङ्‍यिमा उला ताङ कर्मातिवा साङ तेरी मे रापकी शिकिवी।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।