१ कोरिन्‍थी 1:5 - कोन्छ्‌योककी सुङ

⁵ खो नेसुर कोन्‍छ्‍योककी ख्‍यिराङला मीतिवा तेरीला ताम्‍ङे लपुप ताङ तेरी हाक्‍कोवु रिक्‍पा बङी नङ्‍नी वे।

१ कोरिन्‍थी 1:5 Iomraidhean Croise

लोमा छ्‍येतिवी लाका 2:4

तमा ते जोम्‍बुपतिवा तेरी कोन्‍छ्‍योककी थु चाङ्‍माकी क्‍येङ्‍नी थु चाङ्‍माकी ओङला ग्‍येताम कुतुक कुतुकला तिवी ताम्‍ङे कितुप छाल्‍सुङ।

रोमी 11:12

इस्राएलकी मीतिवी लाका दुक्‍टा क्‍यासिमा मोलाम ति जम्‍बुलिङकी मीतिवाला थोप्सुङ। तमा तिवा लम्‍सुला मागलुप मोलाम ति यहूदी मिन्‍दुप मिरिक यम्‍बाकी मीतिवाला थोप्‍सुङ सिसिन तेरी इस्राएलकी मीतिवी तेपा क्‍यासियाङ तिवाला मङ छासे मोलाम थोप्‍किवी।

रोमी 15:14

ङे अच्‍युनुपतिवा, ख्‍यिराङ रङला राङ मी यम्‍बाला ल्‍यामु कितुप ताङ गोवु तेरी येन्‍देन वोतुप ताङ च्‍यिककी च्‍यिकला टोङ्‍गु तेर थुपुप गल वे सिरुप ति ङला तेन्‍तेन वे।

रोमी 15:4

तुक क्‍यानी तोङ्‍ला कोन्‍छ्‍योककी सुङला टिवु ताम्‍ङेतिवा दाक्‍पी थोक्‍ला येन्‍देन तेरुप च्‍युङ वे। ती सुङगी नाङ्‍ला वोतुप हम क्‍यानी देतुप ताङ टोङ्‍गु नेसुर दाक्‍पुला रेवा ङ्‍येकिवी।

१ कोरिन्‍थी 12:10

तमा ललाइला ति हलेवु लाका छ्‍या देन्‍दुप ताङ ललाइला ति नम्‍दर शेतुप ताङ ललाइला ति मीतिवी लापुप सुङ ति खोकी थु चाङ्‍मा नेमा यिन्‍दुप मिन्‍दुप हाक्‍को ज्‍यितुप कटिनकी ङ्‍येम्‍बा नङ्‍नी वे। तमा ललाइला ति ग्‍येताम कुतुक कुतुक लपुप ताङ ललाइला ति ती ग्‍येताम ति छिक ग्‍युरुप कटिनकी ङ्‍येम्‍बा नङ वे।

१ कोरिन्‍थी 12:8

कोन्‍छ्‍योककी थु चाङ्‍मा नेसुर राङ ललाइ मीतिवाला रिक्‍पा तेरुप ताम्‍ङे लपुप ताङ ललाइला ति येन्‍देन तेरुप ताम्‍ङे लपुप ताङ

१ कोरिन्‍थी 13:2

ङे मुला नम्‍दर शेतुप कटिनकी ङ्‍येम्‍बा साङ वे, तमा ङे मुला सुला साङ हाक्‍मोकोवु छ्‍याकला वोतुप ताम्‍ङे हाक्‍कोवु ताङ तेरी येन्‍देन शेकिवी, तमा रीतिवा साङ दोक थुपुप तेपा ति ङला वोसिनाङ ङे सेमला ति ङ्‍यिङ्‍ज्‍ये मेसिन ङ ति काङ साङ मिन।

१ कोरिन्‍थी 13:8

नम्‍दर शेतुप ताम्‍ङेतिवा तोर्नी डिवी, ग्‍येतामतिवा साङ तोर्नी डिवी, येन्‍देनतिवा साङ तोर्नी डिवी, यिने ङ्‍यिङ्‍ज्‍ये कितुप ति नाम्‍साङ तोर्नी मोडोवी।

१ कोरिन्‍थी 14:26

अच्‍युनुपतिवा, त ङ्‍यिराङ काङ सिरुप्‍जा? ख्‍यिराङ तेरी मुला जोम्‍बुप पेला ख्‍यिरा मुला कोन्‍छ्‍योकला सोवा देकुप लु लङ्‍गुप ताङ येन्‍देन तेरुप ताङ कोन्‍छ्‍योककी छ्‍या तेन नङ्‍गुप ताम्‍ङे लपुप ताङ ग्‍येताम कुतुक कुतुक लपुप ताङ तीकी तेन्‍दोक छिक ग्‍युरुप मीतिवा वे। तिवा तेरी चर्चकी मीतिवाला तेपा रम्‍बु जोपकी थोक्‍ला किशी।

१ कोरिन्‍थी 8:11

ख्‍योरो हाक्‍कोवु ताम्‍ङेकी जोसालेन्‍सिन तेपा रम्‍बु मेतुप अच्‍युनुपतिवा दिक्‍पाला ख्‍येल्‍गिवी। दी ताम्‍ङे ल्‍यामु नासाम तोङ! तिवी थोक्‍ला राङ येशू ख्रीष्‍ट टुङ्‍गुप यिन।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 8:7

ख्‍यिरा ती तेरी ताम्‍ङेला मङ ल्‍यामु क्‍या वे। ख्‍यिराङ तेपा कितुप ताङ येन्‍देन तेरुप ताङ रिक्‍पा वोतुप ताङ मी यम्‍बाला दाल्‍जा कितुपला ङ्‍यम्‍ले कितुप ताङ ङ्‍यिराङला ङ्‍यिङ्‍ज्‍ये कितुपला साङ तुक राङ क्‍यानी लाका ल्‍यामु क्‍या वे। तुक क्‍यानी ख्‍यिरा सेम्‍बा सेमगी दाल्‍जा कितुप लाकाला साङ मङ ल्‍यामु किशी सिरुप ति ङ्‍यिरा नोवा वे।

२ कोरिन्थी 9:11

तमा कोन्‍छ्‍योककी ख्‍यिराङला काङ क्‍यासिनाङ तेरी ताम्‍ङेला मोलाम नङ्‍गिवी, तुक क्‍यासिन ख्‍यिरा नरी सेम्‍बा सेमगी बुल्‍वा तेर थुप्‍किवी। तमा दाक्‍पी ती बुल्‍वा ति गोवु मीतिवाला तेरुप पेला तिवी कोन्‍छ्‍योकला थुचिछे बुल्‍गिवी।

एफिसी 1:17

तमा दाक्‍पी चोवो येशू ख्रीष्‍टकी मोवा वोतुप पपा कोन्‍छ्‌योककी ख्‍यिराङला खोकी च्‍यु ताङ रिक्‍पाकी सेम नङ्‍नी खोला ङो शे थुप्‍शी सिनी ङ नरी मोपोर कितिन।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

एफिसी 6:19

ङ खोकी सुङ ख्‍याप्‍टाक कितुप पेला ज्‍यिवा माक्‍यावा क्‍यानी छ्‍याकला वोतुप कोन्‍छ्‌योककी सुङगी तेन्‍दोक ति ख्‍याप्‍टाक कि थुप्‍शी सिनी मोपोर क्‍या नाङ।

फिलिप्पी 1:9

ख्‍यिरा रिक्‍पा ताङ ल्‍यामु मेलोवा काङ यिन सिरुप ति हाक्‍कोनी ख्‍यिरा ङ्‍यिङ्‍ज्‍ये ति मङ मङ फेलिन डोशी सिनी ङ मोपोर कितिन।

कलस्सी 2:3

ख्रीष्‍टला राङ कोन्‍छ्‍योककी तेरी येन्‍देन ताङ रिक्‍पा ति बानी ज्‍यकुप टोङ्‍बा दोके क्‍यानी ज्‍याक्‍नी वे।

कलस्सी 3:10

ख्‍यिरा रङगी मिजी सम्‍बा फोनी वे। तुक क्‍यानी ख्‍यिराङ जो नङ्‍गुप कोन्‍छ्‍योककी ख्‍यिरा मिजी साङ खोकी किताङ नालु दोके मङ मङ सम्‍बा जो नङ्‍गिवी। तमा ख्‍यिरा खोकी रिक्‍पाकी कोर्ला ल्‍यामो क्‍यानी हाक्‍कोकिवी।

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।