१ कोरिन्‍थी 1:4 - कोन्छ्‌योककी सुङ

⁴ ङ ख्‍यिरा थोक्‍ला कोन्‍छ्‍योकला नरी थुचिछे बुलिन, च्‍यिलासिसिन येशू ख्रीष्‍ट नेसुर खोकी ख्‍यिराङला कटिन नङ वे।

१ कोरिन्‍थी 1:4 Iomraidhean Croise

मत्ती 19:11

तमा येशूकी तिवाला सुङ्‍सुङ, “तेरी मीतिवी दी ताम्‍ङे ति ङ्‍येन मुथुपी, यिने सुला कोन्‍छ्‍योककी दुकै कितुप नोवा नाङ्‍वे, तीकी तिराङ ती ताम्‍ङे ङ्‍येन्‍गिवी।

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 14:14

ख्‍यिरा ङे मिङला काङ लाङ्‍सिनाङ ती ति ङ च्‍युङ ज्‍यितिन।”

यूहन्‍ना 14:16

ङ पपाला गोङ्‍बा शोयी, तमा पपी ख्‍यिराङला यम्‍बा टोङ्‍गु तेरुप यी ताङ्‍नी ख्‍यिरा मुला नरी लु ज्‍यिकितो।

यूहन्‍ना 14:26

यिने पपी ङे मिङला तङ्‍गुप टोङ्‍गु तेरुप थु चाङ्माकी राङ ख्‍यिराङला तेरी ताम्‍ङेतिवा लोप्‍किवी, तमा ङे ख्‍यिराङला सिक्‍यावु तेरी ताम्‍ङेतिवा खोकी ख्‍यिराङला येलुङ टेन्‍सो लोङ्‍गिवी।

यूहन्‍ना 15:26

ङे पपा नेमा ख्‍यिराङला तङ्‍गुप टोङ्‍गु तेरुप थु चाङ्‍मा फेप्‍कितो। ती टेङ्‍बु वोतुप थु चाङ्‍मा ति पपा नेमा फेप्‍सिमा ती थु चाङ्‍माकी ङे थोक्‍ला पङ्‍बु नङ्‍गितो।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 21:20

ती थोसिमा तिवी कोन्‍छ्‍योकला सोवा तेक्‍नी पावलला सिक्‍यासुङ, “ओ नुप, ङ्‍येना! यहूदीतिवी पर्ला तेपा कितुपतिवा तोङ्‍डा च्‍यिथम्‍बा चोयी वे। तमा तिवा तेरी मोशाकी ठिम तेन्‍दुपला छासे ङाडेङ वे।

रोमी 1:8

थल्‍माला ख्‍यिराङ तेरीकी थोक्‍ला येशू ख्रीष्‍टकी छ्‍योक नेमा ङ ङे कोन्‍छ्‍योकला थुचिछे बुल्‍गिवी, च्‍यिलासिसिन ख्‍यिरा खोला तेपा क्‍यावु ताम्‍ङे ति जम्‍बुलिङ तेरीला टम वे।

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

१ कोरिन्‍थी 1:3

ख्‍यिराङ तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।