१ कोरिन्‍थी 1:12 - कोन्छ्‌योककी सुङ

¹² ती लेन ति काङ यिन सिसिन, ख्‍यिरा पर्ला ललाइकी “ङ पावलकी ति यिन।”, ललाइकी “ङ अपोल्‍लोसकी ति यिन।”, तमा ललाइकी “ङ केफासकी ति यिन।”, तमा ललाइकी “ङ ख्रीष्‍टकी ति यिन।” सिनी सिनोक लो।

१ कोरिन्‍थी 1:12 Iomraidhean Croise

मत्ती 23:8

यिने ख्‍यिराङला सी साङ गेकेन सिनी सि माज्‍यी। च्‍यिलासिसिन ख्‍यिरा गेकेन ति च्‍यिक राङ वे, ख्‍यिराङ ति तेरी अच्‍युनुपतिवा यिन।

यूहन्‍ना 1:42

तमा तीकी खोरो उज्‍यु सिमोनला येशूकी चाला टिनी वासुङ। सिमोनला थोङ्‍नी येशूकी तीला “ख्‍युरुङ ति योआनेसकी पुज्‍युङ सिमोन यिन, यिने त याङ ख्‍युरुङला केफास सिनी मिङ ज्‍योकितो।” सिनी सुङ्‍सुङ। (केफासकी ग्रीक ताम्‍ङे ति पत्रुस यिन।)

लोमा छ्‍येतिवी लाका 18:24

ती पेला अलेक्‍जेन्‍ड्रिया ग्‍येसाला क्‍येवु अपोल्‍लोस सिरुप यहूदी मिरा च्‍यिक एफिससला वानोक। ती ति ताम्‍ङे ल्‍यामु लोपुप ताङ कोन्‍छ्‍योककी सुङला खामु वोतुप मी नोक।

लोमा छ्‍येतिवी लाका 19:1

अपोल्‍लोस ति कोरिन्‍थला वोतुप पेला पावल ति गलातिया ताङ फ्रिगियाकी दासा नेवा क्‍यानी एफिससला वासुङ। तमा ते ललाइ तेपा कितुप मीतिवा ताङ मुला ठेनी,

१ कोरिन्‍थी 1:11

च्‍यिलासिसिन ख्‍यिरा पर्ला खाँदा शोर्नोक सिरुप लेन ति क्‍लोएकी मिछाङकी मीतिवी ङला बिन्‍सुङ।

१ कोरिन्‍थी 15:5

तमा खो पत्रुसकी चाला छ्‍यार्सुङ। ती ज्‍युक्‍ला खोकी लोमा मिरा च्‍यिङ्‍ङीतिवी चाला छ्‍यार्सुङ।

१ कोरिन्‍थी 15:50

अच्‍युनुपतिवा, ङ ख्‍यिराङला दी ताम्‍ङे ति सिरिन। श ताङ ठकला वोतुप दाक्‍पी जु ति कोन्‍छ्‍योककी ग्‍येल्‍खापला डो मुथुपी। तमा शिनी रुल डोप जु तीकी नाम्‍साङ मिशिवु मिजी ङ्‍ये मुथुपी।

१ कोरिन्‍थी 16:12

दाक्‍पी नुप अपोल्‍लोसला तेपा कितुप यम्‍बा अच्‍युनुपतिवी मुला राङ टिनी ख्‍यिरा ते ग्‍युक सिनी ङे बङी सिक्‍यायिन, यिने ती तन्‍दा सेक साङ ख्‍यिरा ते डो माथुप वे। ज्‍युक्‍ला च्‍युङ्‍सिन ख्‍यिरा ते डिते यिन्‍दे।

१ कोरिन्‍थी 4:6

अच्युनुपतिवा, ख्यिराङला ल्यामु वुङ्शी सिनी ङ ताङ अपोल्‍लोसकी कोर्ला पङ्बु बिन्‍नी दी ताम्ङेतिवा ङे ख्यिराङला टिवु यिन। ङ्‍यिरा तुक क्यावु ति ख्यिराङ कोन्‍छ्‍योककी सुङला सुङ्‍गुप दोके क्‍यानी मिजी क्योङ्शी सिनी यिन। तुक क्यानी ख्यिराङ सु साङ “ती मी ति छ्‍ये यिन।”, “ती मी ति छ्‍युङा यिन।” सिनी ताम्ङे माकी।

१ कोरिन्‍थी 7:29

अच्‍युनुपतिवा, ङे सिक्‍यावु ताम्‍ङे ति दी राङ यिन। तिङ्‍मी तुजे वा वे। तफेन्‍ला पेर्मी वोतुपतिवा पेर्मी मेतुप दोके क्‍यानी कोन्‍छ्‍योककी थोक्‍ला शब्‍ज्‍यी पुल्‍नी दे।

१ कोरिन्‍थी 9:5

काङ ङ्‍यिराङला साङ यम्‍बा लोमा छ्‍येतिवा ताङ चोवो येशूकी नुपतिवा ताङ पत्रुसकी दोके तेपा कितुप पेर्मी टिनी युकुप ओङ मे रो?

२ कोरिन्थी 10:7

ख्‍यिराङ मीला ल्‍हाप पेला फिला तिराङ ल्‍हेवी। दोजो ललाइकी ङ ख्रीष्‍टकी मी यिन सिवी सिसिन, तीकी ख्रीष्‍टकी मी यिन्‍दुप दोके ङ्‍यिराङ साङ ख्रीष्‍टकी मी राङ यिन सिनी नासाम तोङ्‍शी।

२ कोरिन्थी 9:6

दी ताम्‍ङे ति टोक माज्‍येता, “सेन चेयी राङ देपुप तीकी डुप्‍सेन साङ चेयी राङ रुकिवी, यिने सेन बङी देपुप तीकी डुप्‍सेन साङ बङी रुकिवी।”

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

गलाती 3:17

ङे सिक्‍यावु ताम्‍ङे ति काङ यिन सिसिन, कोन्‍छ्‍योककी थेङ्‍मा यी अब्राहाम ताङ मुला थाक्‍छ्‍येन नङ्‍गुप ताम्‍ङेला लो सयी ज्‍यी ताङ खल सुम ज्‍युक्‍ला जोवु मोशाकी टिवु ठिमकी क्‍युर्नी मोज्‍योकिवी।