Juan 1:3 - Yay Halita nan Dios: Ba-yon Tipan

³ Halban bagay ay hiyay main gawa. Homin ni anyakaman a pinalsa a kay na impapalsan Dios kona.

Juan 1:3 Iomraidhean Croise

Juan 1:10

Nako ya iti ha mondo, tan hiyay namalsa nin yadtin mondo, balo ta kay la ya na-bilbi nin tawtawo ha mondo.

Juan 1:2

Paibat hin ibat ay kalamoan na yay nan Dios.

1 Corinto 8:6

kot para kontamon antompol, asa-san bongat a Dios a homin laloma no ambo yay Ama a namalsa nin halban bawbagay, bi-sa hitamo ay iti kona. Tan asa-say namaot a Katawan a homin laloma no ambo hi Jesu-Cristo. Imparalan nan Dios kona yay pa-malsa nin halban bagay, tan bana ot kona ay angkabyay tamo.

Efeso 3:9

tan para ipahawang ha halban no pa-no maka-paki-lamo konan yadtin sikriton plano na. Naboyot a panaon a insikrito nadti nin Dios a namalsa nin halban bawbagay [ha paralan ni Jesu-Cristo.]*

Hawhebreo 11:3

Bana anamaot ha katotpol tamo, angkaintindyan tamo a ha halita nan bongat Dios ay pinalsa nay mondo, kanya halban bawbagay a angka-kit ay kay nangibat ha angka-kit.

1 Juan 5:1

Yay tawon ampi-pol a hi Jesus yay Cristo a inhogo nan Dios ay talagan anak na yan Dios. Hawanin, balang tawon ampanglabi konan Dios bilang Ama na ay natoral bongat a anlabyon nay namaot a kaparan awa-nak nan Dios.

Impatnag 3:14

[Bi-sa wanay naman ni Jesu-Cristo kongko,] “Solatan mo yay hogo kon ampangalalay ha gropo lan antompol ha babalin Laodicea nin anodti: “Oyay ibalita ko komoyo, hiko yay ‘Amen’, [labay totolon,] yay maptog tan ma-pasimalaan mamibalita kaptogan, tan yay pinangibatan nin halban pinalsa nan Dios.

Impatnag 4:11

“O Katawan, marapat kan mananggap nin parangal tan pa-maggalang. Makapangyayari ka ta hikay namalsan halban bagay. Ha main mon kalabayan ay pinalsa mo hila tan patoloy ot main hiladtin pawpinalsa anggan hawanin.”