Yebɛrɛfa 11:3 - Yãhã Naambiyãrfãn Saba

³ Yãhã wãta Yatɛr ne le wo ta, wo n cã Yãhã kẽ ke yãhãyĩŋ tãhã kãntraha ne ke yɛ̃ kapãn ne. Wãn tii too yãã yĩnde ne, te -sẽ tãhã kla gii ne, wo saha koo yãã yĩnde ne ye.

Yebɛrɛfa 11:3 Iomraidhean Croise

Nsãn 1:3

Woo kãmay na wãn byɛ tãhã; ngaa wee yĩnde na mii woo sẽ kẽ u ta ke n nii ye.

Yesu tẽnlɛhɛ tẽŋ 14:15

«Naambiyãm, nwa ye n nii loo nde pye? Naweetee- ya me wo ne ye dyaŋ. Wo pa le Yãhã kapãyĩĩ ne ye kẽ, ma yee ye nekla wãn nde tee ta ye mpar ma n tẽŋ, -ye re gbe ga miy yaha, tee ye yĩntar sroŋ cĩĩnde Yãhã ya ye, cĩĩnde Yãhã gii ke ma yrãŋ na yalebyɛ, koo gii ke yãhãyĩŋ ta, kãntraha ne, muhulangbãŋ ne tesẽ wãn tii byɛ ne te ma te laam wo.

Yesu tẽnlɛhɛ tẽŋ 17:24

Yãhã gii ke driyɛ̃ tãhã ke laam wãn byɛ ne, ke ma yãhãyĩŋ Yĩŋfua ma suhu kãntraha bya ne. Yãhã kangbãy tii nawee- te fãã, ke sẽ n syã te wo ye.

Wormefa 4:17

«N ma yãŋ yi, n ga ta ma kur kuɛ pii n syar, pe ter n sya nihi kãntraha na, ma n nii pe kur byɛ tuhufua.» Brama nii wo byɛ tuhufua Yãhã yĩnde na, Yãhã gii u ke ta u Yatɛr. Yãhã yɛ̃ tɛr u ye kayĩĩ lii ne, u le sya cĩĩnde. U bii cã ma yee, Yãhã ga waha nakugu ta ke n yir gbã wo, ke nii yrãŋ na gbaafa ye. U maha bii cã ma yee, Yãhã kẽ ke driyɛ̃ wãn ter byɛ tãhã, ngaa gɛ sẽ pye ye. Ke naa n pãã wãpãã ya, te wãn -sẽ nii n yi wãyiŋ ya.

Kɔrntifa cir 2:7

Yãhã laantor wĩĩ ne too n pãã, tii driyɛ̃fa sẽ te war ye, te wũhũ pe na. Driyɛ̃ sẽ bii tãhã wa ye, Yãhã bii too laantor cãã gbihi ta wa wo kẽ, wo nayɔ̃r wãyãã wĩĩ na.

Timuti saba cir 4:5

Yãhã kapãn tesẽ syaha wãwãã ne Yãhã kẽ, koo ke n pai wãn byɛ wãyɔ̃ŋ ne Yãhã ye.

Yebɛrɛfa 1:2

Yagaa sẽ na, Yãhã ke yɛ̃ kapãn pãã wo ye ke Dya kãmay na; Yãhã driyɛ̃ kai- byɛ le soho woo koho wo. Yãhã driyɛ̃ kai- byɛ tãhã woo kãmay na.

Pyar saba syãŋ wuhu 3:5

Kai laa -sẽ nde, pe le sye, ma yĩmpɛ tyĩn tã ma yee poo sẽ le cã ye, loo ne nde: Kai- byɛ fegbecãã na, Yãhã kapãn ne le ta yãhãyĩŋ n nii kãntraha ne, ma maha ta loho n nii ke ya ya, kãntrawaha ne ke ya ya.

Kayar 4:11

«Wo Yĩŋfua Yãhã, ma yai ma miingbãŋ n naa n gboho, ma yai ma miiyũhũ n naa n yee, ma yai ma pye kai- byɛ fãnga ne. Mboo kẽ taa kai- byɛ tãhã. Le tãy ma ye, koo kẽ ma n te tãhã, te n nii.»