Yebɛrɛfa 1:8 - Yãhã Naambiyãrfãn Saba

⁸ Ke Dya wĩĩ loo na, Yãhã le pãã ma yee: «Ma ma Yãhã, ma Yĩŋfua niisaha yãã. Too yĩnfar nde wãkuayãã wee te na ma ye ye. Kasroŋ koo kẽ, taa ga naa n pye ma Yai wo.

Yebɛrɛfa 1:8 Iomraidhean Croise

Matɛhɛ 1:23

«U capua wii tuu sẽ naa cã wa ye, u ga nii lai ne, u ba naa kicar see. Pe ga ba u myaha taha Manuɛl.» Ke Manuɛl yĩntaha kẽ, Yãhã ma wo ne.

Luke 1:75

Loo na, wo ga nii Yãhã nawee-, wo ga maha naa n sroŋ ke yaha ye yalebyɛ.

Nsãn 10:30

Ndoo, tesẽ ra Tuhufua Yãhã ne, wo ma nen.»

Nsãn 10:33

Pe n u yɛ̃ sya ma yee: «Wo sẽ yee waa ma waa ntẽmbar ne kayĩĩ laa wĩĩ na ye, wo yee ma n gbar Yãhã ne, koo kẽ; taa ma nawee, ma sẽ yai ma yee ma ma Yãhã ye.»

Nsãn 20:28

Tema n u yɛ̃ wãã sya ma yee: «Mboo ta Yĩŋfua, mboo ta Yãhã.»

Wormefa 9:5

Pe byɛ ma faale wãdyaha Brama kur kuɛ pii. Yesu gɛ tuu see ba nawee, u see poo ter na, woo wii u ma kai- byɛ yĩŋ na. Yãhã miingbãŋ yai ke naa n sey yalebyɛ. Le nii ke syi.

Kɔrntifa cir 15:25

Ye sẽ yãã, u Crise yai u nii kai- byɛ yĩŋ na, Yãhã n sya ba u napĩĩ- byɛ yia, ke pe ta u n troho fyãhã tã pe na.

Timuti saba cir 3:16

Cĩĩnde ne, kai lii le wo ta wo n Yãhã ta wo Yatɛr, waa saha le war ye. Le yĩŋ wĩĩ gbaha, waa saha yee kangbãy sẽ ne ye. U tege ba wo ye nawee kadye ne. Yãhã Yrã le yar gbaa na u sroŋ. U u ya yi yar yãhãyĩŋ tẽnlɛhɛ na. Kapãyĩĩ lii le u wĩĩ pãã, driyɛ̃ kui byɛ le luhu. Driyɛ̃ kur byɛ wo, nawee- ter byɛ u ta pe Yatɛr. Yãhã u kuã yir ga ta niisayũhũ wo yãhãyĩŋ na.

Pyar saba syãŋ wuhu 1:11

Loo na, wo Syayahafua Yesu wii u ma wo Yĩŋfua, Yãhã ga kãnde sroŋ wãã ye kẽ ye n dye u Yai wo, u Yai gii wãtooyãã wee ke na ye.

Nsãn saba cir 5:20

Wo cã Yãhã Dya pa, ma ba cãã- le wo laam wo, wo n waha Yãhã cã koo gii ke ma cĩĩnde. Wo wãã le wo Tuhufua Yãhã ne ke Dya Yesu Crise kãmay na. Ye sẽ yãã, Yesu woo kẽ u ma cĩĩnde Yãhã, ma maha ma cĩĩnde yrã, lii wãkuayãã wee le na ye.