Marɛkɛ 1:2 - Yãhã Naambiyãrfãn Saba

² Ke kai- ba fe gbe mii faale Yãhã kaplãŋ tɔ̃rfua Yisa bii le cãã yrũhũ yaha Yãhã sabangbãŋ wo mii. U bii le yrũhũ, a Yãhã ke Dya Yesu pye ma yee: «Awa, n nwo, n ta tẽnlɛhɛ nɔ wãã ma yahasee ye, u n ga kãnde gbihi yaha ma kẽ.»

Marɛkɛ 1:2 Iomraidhean Croise

Matɛhɛ 11:10

Woo wĩĩ kẽ, le yrũhũ yaha Yãhã sabangbãŋ wo ma yee, Yãhã yee: ‹N nwo, n ta tẽnlɛhɛle nɔ wãã ma yahasee ye, u n gaha ta kãnde gbihi yaha ma kẽ.› »

Matɛhɛ 2:5

Pe n u yɛ̃ sya ma yee: «U ga ba see Yudɛ kãntraha klo lii wo pe n yee Betelɛmu. Yãhã kaplãŋ tɔ̃rfua waa bii le yrũhũ yaha ma yee, Yãhã yee:

Matɛhɛ 26:24

Cĩĩnde ne, u Nawee Puee ga ku mii le yrũhũ ta nii Yãhã sabangbãŋ wo mii. Wii fɛn te -sẽ ga cã pee, woo kẽ wii ne tuu u yi u napĩĩ- kẽ; myaha ne, u ma ne see gɛ see ye.»

Matɛhɛ 26:31

Ke wolifyɛ katyir yãŋ yĩŋ na, Yesu n u kãnyãrwai pye ma yee: «Nanga yĩmper wo, ye byɛ ga ba dur yi ta kur ye. Le ma le yrũhũ ta yaha Yãhã sabangbãŋ wo ma yee, Yãhã yee: ‹N ga ba u mbanaha gbã boo, pe mbaa byɛ n fã cããŋ.› »

Luke 1:70

Yĩŋfua Yãhã bii ke kaplãŋ tɔ̃rfayɔ̃m ta pe n bii loo nde cãã yar yaha faale wo ma yee,

Luke 1:76

Ta dya, mboo na, pe ga ba naa ma yee Yãhãngbãŋ kaplãŋ tɔ̃rfua. Maa ba cãã yi Yĩŋfua yahasee ye, ma u kãnde gbihi yaha u kẽ.

Luke 18:31

Nabuar naa n taha Yesu na, u n ba u kãnyãrwai sẽnsye syãm cɛr yi, ma pe yar ma yee: «-Ye yãŋ, wo dugu n gaha Yurusalɛm wo. Faale Yãhã kaplãŋ tɔ̃rfa pe bii kai- nkãy cãã yrũhũ yar yaha u Nawee Puee wĩĩ na, ke byɛ ga pye yagaa.