Luke 14:11 - Yãhã Naambiyãrfãn Saba

¹¹ Ye sẽ yãã, nawee wii ma u ya ta yĩŋfua draha wo, ufua ga kloŋ. Wii ma -sẽ u ya kloŋ, ufua ga ta yĩŋfua draha wo.»

Luke 14:11 Iomraidhean Croise

Matɛhɛ 23:12

Nawee wii ma u ya ta yĩŋfua draha wo, ufua ga kloŋ. Wii ma -sẽ u ya kloŋ, ufua ga kuã yir.»

Luke 1:51

Ke kãnkai- sroŋ pye ke ya koho fãnga kãmay na. Ke fyar ta yataŋfa na.

Luke 1:52

Ke nangbãm ta pe n kuã too, ma naflam ta pe n kuã yir.

Luke 14:12

Dya wii tuu ba Yesu yee ba te dir na, Yesu n wã klaha ma u yar ma yee: «Maʼa ga nawee- yee dir na, maʼa n ma naambiyãm yee ye, tesẽ ma nampyesey ne ye, tesẽ ma nwoŋfa ne ye, tesẽ ma niisahafa mpãy ne pe ma walefa ye. Mii loo sẽ ne ye, pe ga waha yia pe le dur ma kẽ. Kayĩĩ lii raa yee ma pye, le n kua kãã.

Luke 18:14

Yesu n maha pe nawee- pye ma yee: «Ta n ye yar, u kufar wããfua tuu dur tɛr u kaha wo, Yãhã ba u yãŋ ma yee u sroŋ ma ta tɛr u Farisyɛ̃ naa na. Ye sẽ yãã, wii ma u ya ta yĩŋfua draha wo, ufua ga kloŋ. Wii ma sẽ u ya kloŋ, ufua ga kuã yir yĩŋfua draha wo.»

Syake 1:9

Mboo nawũũ, taa Yãhã ta ma Yatɛr, naa nuhu di, Yãhã ma kuã yir wa ncaha ye.

Syake 4:10

-Ye yii tege tãã ye Yĩŋfua kẽ, u -sẽ ga ye kuã yir.

Syake 4:6

Yãhã -sẽ maha ke laantãr yar wo na; loo ne, le yrũhũ ta Yãhã sabangbãŋ wo ma yee: «Yataŋfa wĩĩ sye Yãhã ye. Mpãy pe -sẽ pe ya tege tãã ye, Yãhã ke laantãr yar poo na.»

Pyar saba cir 5:5

Naanfãm, -ye yĩŋ kor naa n le yahaseefa kẽ! Ye byɛ, yii naanfãm tesẽ wãlɛ ne, waa ma syi u naa u ya puar waa na ye; -ye naa kayũhũ pye yii kẽ! Yãhã sabangbãŋ gɛ laam wo, le ma le yrũhũ ta nii ma yee: «Yataŋfa wĩĩ sye Yãhã ye. Mpãy pe -sẽ pe ya tege tãã ye, Yãhã ke laantãr yar pe na.»

Pyar saba cir 5:6

Loo na, -ye yii tege tãã ye Yãhã yĩnde na, koo gii ke ma fãnga ne. Ye ma loo pye, Yãhã ga ba yalaale yãŋ, ke ye kuã yir ncaha ye.