Ulandaan 3:2 - Uwumbɔr aagbaŋ

² U siin timar aayoonn, le ki siin nkun mu aayoonn, tiwan aabum aayoonn bi la, le tiwan aaŋɔm mu aayoonn bi,

Ulandaan 3:2 Iomraidhean Croise

Mpiin 17:21

Tɔ, m ga cha maah puu tipuur na li bi aajapɔɔn Aisak, u Sara ga nan maa u libiln li choo na pu la, kinakokoona aayoonn le u ga nan maa.”

Mpiin 47:29

N‑yoonn mu u bee ke naan ki yunn u ga kpo na, le u yin ujapɔɔn Josef, le ki nan bui u ke, “Di aaŋaal ŋa ntaapaln taab ki puu tipuur ke saan cha maawon bee Ijipt aatiŋ ni do.

1 Bibɔrb 13:2

Uwumbɔr aah nan tuk waabɔnabr ngbaan pu na, u nan bii kitork aabimbiln ngbaan ki bui ke: “Kitork aabimbiln, kitork aabimbiln, Uwumbɔr aah len pu na sɔ: Ubo, u aayimbil ga li ye Josia na, ga nya David aadichal ni. U ga kɔr bitotoorb bi tun ŋiwaabimbin pu lituln ki toor kitork aa pu na, paan aa pu. U ga di unibɔn aakpab see mmii ni aa pu.”

2 Bibɔrb 4:16

le Elaisa bui u ke, “Libiln li choo na, kinakokoona aa ga li ŋmab ubijabo aaŋaal ni.” Le u teen ke, “Uninkpel, m gaŋ si ke aa taa gii mi inyamɔn. Aa ye Uwumbɔr aanii la.”

Job Aagbaŋ 14:14

Unibɔn yaa kpo kan, u ga ki ŋmaa gir ni limɔfal ni ii? Le m ma ga kiir n‑yoonn mu ŋan na; m ga kiir aan tibɔr aayoonn mue ti jer doo.

Job Aagbaŋ 14:5

Waamɔfal aafɔfɔk puun ŋaŋ dɔ ni daa, aa nyi iŋmal imɔk u ga li bi limɔfal ni na. Aa ŋaŋ ni siin, le ubaa aan ŋmaa kpeln ni.

Job Aagbaŋ 7:1

Unibɔn aamɔfal bi ke baah joo uja mpɔɔn kooni butɔb aatuln ni pu na la, ki naahn ŋŋaal aatuln li pɔɔ na,

Ilahn 113:9

U nyuŋni upii u kaa kpa ubo na waadichal ni; u tii u mbim, le usui piir. Pak Uwumbɔr man.

Ilahn 52:5

Kina pu le Uwumbɔr ga kuln si, u ga yoor si ki nya saadichal ni. U ga nyan si binib bi kpa limɔfal dulnyaa wee na ni.

Ŋiyataŋak 24:27

Aa yaa kaa kee chee saajikaar ki bee ke aa ga ŋmaa joo lidichal kan, taa maa lidichal ki yoor upii.

Aisaya 28:24

Ukpaal aa beer mpaan ke u ko kisaak ki gor ki kii waah ga bu buyoonn na n‑yoonn mɔmɔk kaa bu.

Aisaya 38:1

N‑yoonn mumina le ubɔrkpaan Hesekia nan buŋ ki ti gur siib u kpo. Uwumbɔr aabɔnabr Aisaya, u aate nan ye Amos na nan buen u ti mann u, le ki ti bui u ke, “Uwumbɔr bui ke, ‘Gor tiwan mɔmɔk, ba pu? saan ŋmar. Gor ki li kii nkun.’”

Aisaya 38:5

ke u gir buen Hesekia chee ki ti bui u ke, “Min Uwumbɔr, u ye aayaaja David Aawumbɔr na ŋun saameel, ki kan saanyunyunn; m ga di ŋibin kipiik ni ŋiŋmu kpee saamɔfal pu.

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Jeremia 1:10

Din wee, m tii si mpɔɔn ŋitimbol ni nnaan pu ke aa ber, ki tur ŋi lii, ki nyaŋ ki kuln ŋi, ki ki maa ki siin ŋi.”

Jeremia 45:4

“Le min Uwumbɔr bi gbaa wiil maah nan maa ni na, le ki ŋɔi maah nan bun ni na mu. M ga ŋa kitiŋ kee mɔmɔk kina la.

Matiu 13:41

Min Unibɔn Aabo ga tun ni maatuuntiib dulnyaa wee ni, bi nan chuu titunwanbirdam, ni bitɔtɔŋ mɔmɔk, aan ki nyan bi maanaan ni,

Matiu 15:13

Le u bui bi, “Tisufar timɔk Nte Uwumbɔr aa bun ti na, u ga chuu ŋɔi ti la.

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:20

Ni yaa nan ŋeer kan, maah len pu na ga gbiin. Saah kaa pak maah len pu na, le aa ga ŋa ubir, kaan ki ŋmaa len tibɔr ki ti saa buyoonn tiwan nimina ga ŋa na.”

Tibɔnyaan ti Luk ŋmee ti na 1:36

Lik, aana aabo Elisabef, u por na, u mu pil ubijabo aapuul. Baah nan yin u ke upiiŋoob na kpa iŋmal iloob aapuul la;

Jɔnn 16:21

Upii yaa ban u maa ubo kan, u ga li kpa mpombiin waafalaa pu. U ti ma ubo doo kan, waan ki teer falaa ngbaan aabɔr, u ga li kpa mpopiin la; ba pu? unipɔɔn koo ni udo.

Jɔnn 7:30

Waah len kina na, le bi ban bi chuu u. Ubaa mu aa ŋa u nibaa; ba pu? waayoonn aa nan kee fuu.

Lituln 7:17

“Tɔ, Uwumbɔr nan puu tipuur tii Abraham. Le n‑yoonn mu u ga ŋa waah puu tipuur ti na peen ni. N‑yoonn ngbaan le Israel yaab too pɔr kpee Ijipt aatiŋ ni.

Lituln 7:20

N‑yoonn ngbaan le bi ma Moses, u nan ye ubo u ŋan sakpen na la. Le bi kpiin u ute do iŋmal itaa.

Galantiya 4:4

Naah nan ŋeer n‑yoonn mu na, le Uwumbɔr nan tun ni Ujapɔɔn. Upii le nan ma u. Juu yaab aakaal le nan joo u,

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

1 Samuel 2:5

Binib bi nan kpa ki ji babr na gur joo bibaa le kooh ki kpiini bibaa; nkon aah nan joo bi na gur ji gunni la. Upii u nan ye uŋoob na gur kpa mbim mulole la, le upii u nan kpa mbim pam na aa ki kpa ubaa gur.