Tibɔkpiirkaan 8:7 - Uwumbɔr aagbaŋ

⁷ Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.

UWONBƆR A GBƆNPƆŊ LIKƆƆNL

⁷ Le chinchinn a malaka pee u naatuŋ, le itanyunbɔl nin nŋmi ŋmarin nin ncham ki lunn kutingbɔŋ nan bu. Le kutingbɔŋ bɔgir nkerim mitaa le nkerim nba gaa nŋmi, le isiig bɔgir nkerim mitaa le nkerim nba gaa nŋmi, le timɔsɔɔn biɛn gaa nŋmi.

Tibɔkpiirkaan 8:7 Iomraidhean Croise

Ilahn 105:32

U nan cha ŋitaanal lir, ki cha utaal moor kitiŋ ngbaan ni, kaa cha utaal nun.

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Aisaya 28:2

Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Esekiel 38:22

M ga di iween ni nkun le daa utafal. Utaal sakpiin ni ŋitaatakpabil, ki di kpee mmii, ni chirbil, ga lir ni u ni waajab, ni ŋitimbol ŋi wiir ki si uchaŋ ni na pu.

Joel 2:30

M ga ŋa lijinjiir aawan kitaapaak ni, ni kitiŋ pu; nsin, ni mmii, ni iŋmanyuu ga li bi.

Jemisi 1:11

Nwiin yaa puu ki toŋ kan, le timoor ga yɔl, le mmopuun gbaar, kaa ki kpa kinyaan. Kina le biwankpadam mu ga kpo, ki cha baawan mɔmɔk.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

1 Piita 1:24

Ni ŋmee Uwumbɔr Aagbaŋ ni ke, “Binib mɔmɔk bi ke timoor na la. Baanyaan bi ke mmopuun na la. Timoor yɔl mala, le mmopuun mu gbaar,

Tibɔkpiirkaan 12:4

Le kipeewanbiik ngbaan di kijuul kuun foor ni iŋmabi ligetatar, ki di lii ni kitiŋ, ki dan nan sil upii u ban u maa ubo na aanimbiin ni ke ki ŋmɔ waabo.

Tibɔkpiirkaan 16:2

Le Uwumbɔr aatuun ubaa buen ki ti di falaa u bi waasambil ni na kpir dulnyaa ni. Le ni ŋa ibuun i wu sakpen na ki baan binib bi kpa upeel ngbaan aadaan ki dii waawaal na pu.

Tibɔkpiirkaan 16:21

Le utaal nun ŋitaatakpabil sakpiin, ki lir binib pu. Ŋi mɔmɔk nan nyuun ke njikaabim bɔtɔ aah nyuun pu na. Le binib sii Uwumbɔr ŋitaatakpabil ngbaan aabɔbir pu; ŋi nan ŋa bi falaa pam.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.

Tibɔkpiirkaan 7:1

Nimina aapuwɔb le m kan Uwumbɔr aatuuntiib binaa si dulnyaa aapepel mɔmɔk ŋinaa, ki kiir libuln ke li taa ki daa kitiŋ ni, ki taa daa nnyusakpem ni, ki taa daa isui ni.

Tibɔkpiirkaan 9:15

Le u chuu gbiln Uwumbɔr aatuuntiib binaa ngbaan lii. Uwumbɔr le gor bi, ki siin bi libiln, ni uŋmal, ni nwiin, ni kikurk ki bi ga di ku binib ligetatar na.

Tibɔkpiirkaan 9:18

Tiwan nitaa ngbaan, mmii, ni iŋmanyuu, ni chirbil ni nan nyan ni itaan ngbaan aamɔi ni na le ku linigetekr tatar;

Tibɔkpiirkaan 9:4

le ki tuk i ke i taa ŋmɔ timoor, ki taa ŋmɔ tijikaar, ki taa ŋmɔ isui, i li junni binib bi kaa kpa Uwumbɔr aadaan biyigbeer pu na;