Tibɔkpiirkaan 8:3 - Uwumbɔr aagbaŋ

³ Le Uwumbɔr aatuun uken dan nan sil kitork aabimbiln chee, ki ŋub salmaa aasambil li bi joo tulalee aayon ŋani li ponn ni na. Le bi tii u tulalee aayon sakpen u di kpee Uwumbɔr aanib mɔmɔk aameel pu, ki di ŋa salmaa aabimbiln li bi Uwumbɔr aabɔrjal aanimbiin ni na paab, ki di tii Uwumbɔr.

UWONBƆR A GBƆNPƆŊ LIKƆƆNL

³ Le malaka uba nan ŋmag nnyɔgkusim a salima a saŋ ki tan sir kumanug a binbinl ban. Le bi sei u nnyɔgkusim takpem ke un kpiɛ Uwonbɔr a ninfogannkaabin bu bi wonmiɛlin, le u ta paan salima a binbinlin bu kunaangbɔŋin a nintogil.

Tibɔkpiirkaan 8:3 Iomraidhean Croise

1 Bibɔrb 7:50

ni n‑yikum, ni baah joo tiwan ni toor ŋikaryapal na, ni ŋisambil, ni tulalee aayon aasambim, ni nsambim mu bi joo moi mmii na; ni Chain Chain Aapepel aajaaleŋ, ni Uwumbɔr Aadichal aadir tiken aajaaleŋ tiib aakur. Bi nan di salmaa le naan tiwan nimina mɔmɔk.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Nnyam 40:26

U nan di salmaa aatork aabimbiln mu siin Libool ngbaan ni, likekeln ngbaan chee,

Aisaya 6:6

Le tiwanfuurkaan ngbaan ponn ni nibaa fii dan m chee, ki joo ni limiisakɔl li u di kichaababr di bab li kitork aabimbiln paab na.

Esekiel 41:22

ki naahn idɔ aatork aabimbiln. Laah nan paa paacham pu na nan ye ŋitaa ŋiŋmu la, le nwawaan mu ye ŋitaa ŋinaa. Bi nan di idɔ le ŋa laalɔlɔnn, ni idɔ i dɔ kitiŋ na, ni laapepel mɔmɔk. Uja ngbaan nan bui mi ke, “Teebul umina le si Uwumbɔr aanimbiin ni.”

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Nkahm 4:11

“Ni paa na, bi di likekeln bɔmbɔln ki di biin salmaa aatork aabimbiln pu, ki di ngbanyaan poo biin li pu, aan ki di ŋidabil ŋi bi joo yoor li na ŋa ŋaabon ni.

Tibɔnyaan ti Luk ŋmee ti na 1:10

Buyoonn u bi seer tulalee aayon ngbaan tii Uwumbɔr na, le kinipaak sakpeŋ bi lipaal, ki mee Uwumbɔr.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.

Tibɔkpiirkaan 10:1

Le m kan Uwumbɔr aatuun mpɔɔndaan uken nyan ni paacham. U pee kitaalangbaŋ, le waakpimanja mu lur goln uyil. Unimbil wɔb naahn nwiin la. Utaa mu naahn kimiigaak.

Tibɔkpiirkaan 14:18

Le Uwumbɔr aatuun uken nyan ni kitork aabimbiln chee. Uma le ye mmii aayidaan. Le u teen mpɔɔn pu ki tuk Uwumbɔr aatuun u joo gɔrk u ka na ke, “Di saagɔrk u ka na ker ndaan aasubil ŋi bi dulnyaa ni na; ba pu? ŋisubil ngbaan puir a.”

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.

Tibɔkpiirkaan 6:9

Le Upihbo ngbaan ki chuu dabr ndam ŋmuŋmur. Le m kan binib aawiin kitork aabimbiln taab, Uwumbɔr do. Bi ye binib bi bi nan ku bi na. Bi nan mooni Uwumbɔr aabɔr ki tuk binib Yesu aabɔnyaan. Nima le cha bi ku bi.

Tibɔkpiirkaan 7:2

Le m kan Uwumbɔr aatuun uken nyan ni liwipuul wɔb ki dan paacham, ki joo ni Uwumbɔr u ye limɔfal daan na aadaan, ki nan teen mpɔɔn pu, ki tuk Uwumbɔr aatuuntiib binaa bi Uwumbɔr tii bi mpɔɔn ke bi bii kitiŋ ni nnyusakpem na ke,

Tibɔkpiirkaan 8:4

Le tulalee aayon ngbaan aabaan, ni Uwumbɔr aanib aameel nyan Uwumbɔr aatuun ngbaan aaŋaal ni, ki fii paacham Uwumbɔr aanimbiin ni.

Tibɔkpiirkaan 8:5

Le Uwumbɔr aatuun ngbaan moo mmii mu bi kitork aabimbiln paab na gbiin tulalee aayon aasambil ngbaan, le ki di mee yaa dulnyaa wee ponn ni. Le kifuuk faa, le utaal tar ki moor, le kitiŋ deŋ.

Tibɔkpiirkaan 9:13

Le Uwumbɔr aatuun loloob mu pii waakakaan. Le m ŋun nneel nyan ni salmaa aabimbiln li bi Uwumbɔr aanimbiin ni na aamɔju ŋinaa chee.