Tibɔkpiirkaan 7:4 - Uwumbɔr aagbaŋ

⁴ Le m ŋun baah daan binib bi na aakahm. Bi nan ye binib ŋichur nkub ni imonko ilee ni ŋinaa, ki nyan ni Israel aanibol mɔmɔk ni.

UWONBƆR A GBƆNPƆŊ LIKƆƆNL

⁴ Le n nan gbir baah tabin ibol yan biɛn nyan Iziral a kanlin: Le bi kanl nmɔn nan ye turikobig nin turpina nin turina, ibol yan biɛn nyan Iziral.

Tibɔkpiirkaan 7:4 Iomraidhean Croise

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Nnyam 28:21

Ŋitakpanyaan kipiik ni ŋilee ŋee pu, ni ŋmee Jakob aabijabim kipiik ni bilee na aayimbil paan ŋi pu, aan ni mɔk Israel yaab aanibol.

Esekiel 47:13

Tidindaan Uwumbɔr nan bui ke, “Kitiŋ ki ni ga di yakr tii ŋinibol kipiik ni ŋilee, aan Josef aanibol ma ga gaa nfum mulee pu na aatinaanmɔk sɔ.

Esekiel 48:19

Unii umɔk koo kitiŋ ngbaan ni na ga ko nima chee la. Baan li dii ŋinibol ŋi ponn ni binib ngbaan nyan ni na aasan le ki ko nima.

Sekaria 9:1

Uwumbɔr aanaŋ sɔ: U siin Hadrak aapepel ni Damaskus aatiŋ aatafadaan. Israel aanibol ni Siria aatiyil Damaskus mɔmɔk ye Uwumbɔr yaan la.

Matiu 19:28

Le Yesu bui bi, “M tuk nimi mbamɔn la, min Unibɔn Aabo ga kal libɔrjal pu, ki kan mpakm sakpen dulnyaapɔɔn ponn ni. N‑yoonn ngbaan, nimi bi dii mi na mu ga kal ŋibɔrjal kipiik ni ŋilee pu, ki ga ji Israel yaab aanibol kipiik ni ŋilee tibɔr.

Tibɔnyaan ti Luk ŋmee ti na 14:22

Le waatutunn ŋa kina, ki dan nan bui u, ‘Ndindaan, m ŋa saah len pu na. Mpaan gur bi.’

Tibɔnyaan ti Luk ŋmee ti na 22:30

Le ni ga ji tijikaar ki nyu nnyun m chee maanaan ni, ki kal ŋibɔrjal pu, ki ji Israel yaab aanibol kipiik ni ŋilee tibɔr.”

Lituln 26:7

Timi Juu yaab aanibol kipiik ni ŋilee dooni Uwumbɔr nwiin pu ni kinyeek, ki mu kpa limakl ke bi ga kan tipuur ngbaan. Ubɔr Agripa, m mu kpa limakl ngbaan, nima le cha Juu yaab galn mi.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.

Tibɔkpiirkaan 14:3

Binib ngbaan bi Uwumbɔr aabɔrjal, ni tiwanfuurkaan ninaa, ni bininkpiib na aanimbiin ni, ki gaa ilahnpɔɔn. Ubaa aan ŋmaa bae nlahn ngbaan see binib ŋichur nkub ni imonko ilee ni ŋinaa bi Uwumbɔr daa bi ki nyan bi dulnyaa wee ni na.

Tibɔkpiirkaan 7:5

Bi nan daan bi kina la: Juda aanibol aanib ŋichur kipiik ni ŋilee, Rubenn aanibol aanib ŋichur kipiik ni ŋilee, Gad aanibol aanib ŋichur kipiik ni ŋilee, Aser aanibol aanib ŋichur kipiik ni ŋilee, Naftali aanibol aanib ŋichur kipiik ni ŋilee, Manase aanibol aanib ŋichur kipiik ni ŋilee, Simeonn aanibol aanib ŋichur kipiik ni ŋilee, Liifai aanibol aanib ŋichur kipiik ni ŋilee, Isakar aanibol aanib ŋichur kipiik ni ŋilee, Sebulunn aanibol aanib ŋichur kipiik ni ŋilee, Josef aanibol aanib ŋichur kipiik ni ŋilee, Benjaminn aanibol aanib ŋichur kipiik ni ŋilee.

Tibɔkpiirkaan 9:16

Bi nan kpa butɔb aajab bi dik itaan pu na. Le m ŋun baakahm aah ye pu na. Bi nan ye butɔb aajab ŋichur ŋichur ikui ilee.