Tibɔkpiirkaan 7:2 - Uwumbɔr aagbaŋ

² Le m kan Uwumbɔr aatuun uken nyan ni liwipuul wɔb ki dan paacham, ki joo ni Uwumbɔr u ye limɔfal daan na aadaan, ki nan teen mpɔɔn pu, ki tuk Uwumbɔr aatuuntiib binaa bi Uwumbɔr tii bi mpɔɔn ke bi bii kitiŋ ni nnyusakpem na ke,

UWONBƆR A GBƆNPƆŊ LIKƆƆNL

² Le n ji kan malaka uba le u nyan liwonpɔɔnl paam ki ŋmag Uwonbɔr wan fo-n a wann tabin wann. Le u yin nin nkukɔpɔɔn ki bei malakam bina ban wee bi sei bi npɔɔn ke bin sei kutingbɔŋ nin limɔgilin kidaŋin ke:

Tibɔkpiirkaan 7:2 Iomraidhean Croise

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Aisaya 41:2

Ŋma nan joo ni ubɔrkpaan u nyan ni liwipuul wɔb ki cha u nyaŋ binib bimɔk u ni bi jan na? Ŋma cha u nyaŋni bibɔrb ni ŋitimbol? Waajaak aajuk nan bii binib ke naah ye kitangbaak le u per lir na. Waapiin nan cha bi san yaa tɔb chee ke libuln aah daar timoor yaani tɔb chee pu na.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Matiu 26:63

Le Yesu si ŋmin. Le Uwumbɔr aatotoorninkpel bui u, “Puu Uwumbɔr u fu na pu, aa ye Uwumbɔr Aajapɔɔn Kristo u Uwumbɔr lee u na aan saa ye?”

Jɔnn 6:27

Ni taa cha ninimbil li man tijikaar ti ga bii na pu. Ninimbil li man tijikaar ti ga tii nimi limɔfal li kaa kpa ndoon na pu. Min Unibɔn Aabo le ga tii nimi tijikaar ngbaan; ba pu? min Unibɔn Aabo le Nte Uwumbɔr mɔk ke m ye Waanii.”

2 Korenti 1:22

U daan timi ke uma le yeh timi, ki di Waafuur Nyaan ŋa tisui ni, ke u mɔk timi waah ga tii timi pu na n‑yoonn mu choo na.

Efesusi 1:13

Ni mu gaa Kristo ki kii la. Naah ŋun Uwumbɔr aabɔr ti ye mbamɔn, ki ye tibɔnyaan ti cha ni ŋmar na, le ni gaa Kristo ki kii. Naah kpaan u ni na, le Uwumbɔr tii nimi Waafuur Nyaan, ke waah nan puu tipuur ti na, ki mɔk ke ni ye waanib la.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 1:3

Unii u karn Uwumbɔr aabɔr timina binib aanimbil ni na, Uwumbɔr aanyoor bi u pu. Binib bi ŋun ki ŋa taah len pu na, Uwumbɔr aanyoor bi bi mu pu. Ba pu? buyoonn tibɔr tee ga nan ŋa na aa ki daa.

Tibɔkpiirkaan 10:1

Le m kan Uwumbɔr aatuun mpɔɔndaan uken nyan ni paacham. U pee kitaalangbaŋ, le waakpimanja mu lur goln uyil. Unimbil wɔb naahn nwiin la. Utaa mu naahn kimiigaak.

Tibɔkpiirkaan 10:4

Utaal aah teen nfum mulole na, le m ban m ŋmee waah len pu na kigbaŋ ni. Le m ŋun nneel len Uwumbɔr do ke, “Taa ŋmee utaal aah len tibɔr ti na, ki taa kpiir ti.”

Tibɔkpiirkaan 16:12

Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.

Tibɔkpiirkaan 5:2

Le m ŋun Uwumbɔr aatuun mpɔɔndaan len mpɔɔn pu ke, “Ŋma ŋeer u dabr kigbaŋ ngbaan ki kpar ki?”

Tibɔkpiirkaan 8:3

Le Uwumbɔr aatuun uken dan nan sil kitork aabimbiln chee, ki ŋub salmaa aasambil li bi joo tulalee aayon ŋani li ponn ni na. Le bi tii u tulalee aayon sakpen u di kpee Uwumbɔr aanib mɔmɔk aameel pu, ki di ŋa salmaa aabimbiln li bi Uwumbɔr aabɔrjal aanimbiin ni na paab, ki di tii Uwumbɔr.

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”

Tibɔkpiirkaan 9:4

le ki tuk i ke i taa ŋmɔ timoor, ki taa ŋmɔ tijikaar, ki taa ŋmɔ isui, i li junni binib bi kaa kpa Uwumbɔr aadaan biyigbeer pu na;

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.