Tibɔkpiirkaan 7:12 - Uwumbɔr aagbaŋ

¹² ki len ke, “Ni ye mbamɔn, timi Aawumbɔr le yeh mpakm, ni nnyuŋ, ni nlan, ni idoon, ni lisil, ni yiko, ni mpɔɔn n‑yoonn mu kaa kpa ndoon na. Amii.”

UWONBƆR A GBƆNPƆŊ LIKƆƆNL

¹² ki ke: “Ibamɔn! Ndom nin kupag, nin nlamgɔrikaam nin kunɔɔpoog nin jilima nin npɔɔn nin ngbananpɔɔn ye ti Wonbɔru yaan le hali nin iyoo yan kaa jɔɔ diɛmi. Ibamɔn!”

Tibɔkpiirkaan 7:12 Iomraidhean Croise

Nehemia 12:46

Ki nyan Ubɔrkpaan David ni ulahngaar Asaf aayoonn mu jer na, bilahngaab ni biwangbaab ngbaan le lolni nsan ki pak ki joo idoon tii Uwumbɔr.

Nehemia 12:8

Jesua, ni Binui, ni Kadmiel, ni Serebia, ni Juda, ni Matania, le nan ye binib bi gaa ilahn ki dooni Uwumbɔr na aayidam.

Ilahn 100:4

Di idoon jer waadichal aabisamɔi ni, di kipak koo waachiln ni. Doon u ki pak u man.

Ilahn 106:48

Pak Uwumbɔr u ye Israel yaab Aadindaan na man; li pak u dandana, ni n‑yoonn mu kaa kpa ndoon na. Cha unii mɔmɔk len ke, “Amii”. Pak Uwumbɔr man.

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 116:17

M ga tii si idoon aapiin, ki di maameel tii si.

Ilahn 147:7

Gaa kipak aalahn tii Uwumbɔr man; di kibeek gaa ilahn tii timi Aawumbɔr man.

Ilahn 41:13

Pak timi Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Amii amii.

Ilahn 50:14

Cha man idoon baanja li ye kitork ki ni joo tii mi na, ki tii mi Uwumbɔr Mpɔɔnsakpiindaan tiwan nimɔk ni puu ke ni ga tii mi na.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Ilahn 89:52

Pak Uwumbɔr n‑yoonn mɔmɔk man. Amii, amii.

Ilahn 95:2

Cha ti di idoon dan unimbiin ni man, ki gaa mpopiin aapak aalahn man,

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Rom Yaab 11:36

Tiwan nimɔk bi na, ni nyan ni u chee la. U cha tiwan mɔmɔk beenin bi. Tiwan mɔmɔk bi, ke ni pak u. Uma le yeh mpakm n‑yoonn mu kaa kpa ndoon na. Amii.

1 Korenti 14:16

Aa yaa doon Uwumbɔr, Waafuur Nyaan aah cha aa doon u pu na kan, unii yaa bi nikaasisik ni, kaa nyi Uwumbɔr aasan kan, u ga ŋa kinye ki len ke saah doon Uwumbɔr pu na ye mbamɔn; ba pu? waa ŋun saah len pu na.

2 Korenti 4:15

Ni pu, le ti ji falaa ngbaan mɔmɔk. Binib bi gaa Uwumbɔr na yaa kpae kan, binib bi ga li dooni Uwumbɔr na mu ga li wiir, ki ga nyuŋ u.

Kolosiya 2:7

ki too chuu u ke busub aanyaan aah koo kitiŋ pu na, ki li bae waabɔr n‑yoonn mɔmɔk, ki gaa ti ki kii mbamɔm, taah nan tuk nimi pu na, ki li dooni u n‑yoonn mɔmɔk.

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

Juud 1:25

Uwumbɔr baan baanja le bi. Tidindaan Yesu Kristo pu le u nyan timi ntafadaan ni, ki gaa timi lii. Uwumbɔr le yeh nnyuŋ, ni mpakm, ni mpɔɔn mɔmɔk, ni tiwan mɔmɔk, n‑yoonn mu jer na, ni dandana wee, ni n‑yoonn mu kaa kpa ndoon na. Amii.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 19:4

Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”