Tibɔkpiirkaan 5:6 - Uwumbɔr aagbaŋ

⁶ Le m kan Upihbo si libɔrjal, ni tiwanfuurkaan ninaa, ni bininkpiib na aakaasisik ni. Upihbo ngbaan kpa libuel uneen ni ke baah kɔr u le na, ki kpa iyiin ilole ni ŋinimbil ŋilole ŋi ye Uwumbɔr Aafuur mulole mu Uwumbɔr tun ni mu ŋipepel mɔmɔk dulnyaa wee ni na.

UWONBƆR A GBƆNPƆŊ LIKƆƆNL

⁶ Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.

Tibɔkpiirkaan 5:6 Iomraidhean Croise

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Daniel 8:3

le ki kan upihja u kpa iyiin ilee i fɔk na si gbɔk limɔɔl ngbaan. Waayiin ngbaan mubaa nan fɔk ki pɔɔ jer muken na.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Habakuk 3:4

Waah wiin pu na naahn nwiin aah wiin pu na la; uŋaal moor lak lak ke mmii na la, le waapɔɔn ma tee bɔr.

Sekaria 3:9

M ban m di litakpal libaa li kpa ŋipepel ŋilole na bil Josua aanimbiin ni. M ga di kichiln ŋmee tiwan paan li pu, le ki di liwinbaal nyan kitiŋ kimina aatunwanbir.

Tibɔnyaan ti Luk ŋmee ti na 1:69

ki tii timi unii u ga gaa timi lii, ki kpa mpɔɔn, ki ye waatutunn Ubɔr David aamaal ponn ni aanii ubaa na.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Jɔnn 1:36

ki kan Yesu bi chuun nima. Jɔnn nan lik u, le ki len ke, “Lik, Uwumbɔr Aapihbo.”

Lituln 8:32

Tɔ, waah bi karni Uwumbɔr Aagbaŋ ponn ni nin chee na ŋmee ke, “Bi yaa chuu upiih bi ti kɔr u kan, waa wii. Bi yaa chee upihbo aakokor pu kan, u mu aa wii. U mu bi kina la. Baah chuu u mpɔɔn pu na, waa len tibaa ke u nyan ubaa tibɔr ngbaan ni.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 12:11

Upihbo Yesu aasin aapɔɔn pu ni waabɔr aapɔɔn pu le bi nyaŋ kinimbɔŋ. Bi gee Yesu ki jer baamɔfal, ki kii ke bi kpo u pu.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 21:22

Maa nan kan Uwumbɔr Aadichal kitiŋ ngbaan ponn ni; ba pu? Tidindaan Uwumbɔr u yeh mpɔɔn mɔmɔk na, ni Upihbo ngbaan bi kitiŋ ngbaan ponn ni, le binib dooni bi.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:3

Tiwan ni Uwumbɔr kɔ na nibaa aan li bi kitiŋ ngbaan ni. Uwumbɔr ni Upihbo ngbaan aabɔrjal ga li bi ki ponn ni; le waatutum ga tun lituln tii u,

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

Tibɔkpiirkaan 5:11

Le m lik ki kan Uwumbɔr aatuuntiib ŋichur ŋichur, kaa ti nyi baakahm. Bi si gob Uwumbɔr aabɔrjal, ni tiwanfuurkaan, ni bininkpiib ngbaan.

Tibɔkpiirkaan 5:12

Le m ŋun bi mɔmɔk len mpɔɔn pu ke, “Upihbo u bi nan kɔr u na le ŋeer u kan yiko, ni liwankpal, ni nlan, ni mpɔɔn, ni nnyuŋ, ni mpakm, ni idoon.”

Tibɔkpiirkaan 5:13

Le m ŋun binib bi bi paacham na, ni binib bi bi kitiŋ na, ni binib bi bi kitiŋ aataab na, ni tiwan nimɔk bi nnyusakpem ni na, ni Uwumbɔr aah naan tiwan nimɔk na mɔmɔk len ke, “Uwumbɔr u ka libɔrjal pu na, ni Upihbo ngbaan le yeh mpakm, ni lisil, ni nnyuŋ, ni mpɔɔn, n‑yoonn mu kaa kpa ndoon na.”

Tibɔkpiirkaan 5:14

Le tiwanfuurkaan ninaa ngbaan kii ke “Amii.” Bininkpiib ngbaan mu nan gbaan Uwumbɔr ni Upihbo ngbaan aanimbiin ni ki doon bi.

Tibɔkpiirkaan 6:16

ki bui ŋijoo ni ŋitakpal ke, “Lir ti pu, ki biin ti pu, aan Uwumbɔr u ka libɔrjal pu na taa li waa timi, Upihbo ngbaan mu aaŋuul taa pii timi;

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”