Tibɔkpiirkaan 4:10 - Uwumbɔr aagbaŋ

¹⁰ Tiwanfuurkaan ngbaan aah len kina na, le bininkpiib moninko ni binaa ngbaan gbaan Uwumbɔr u ka libɔrjal pu ki ga li bi n‑yoonn mu kaa kpa ndoon na aanimbiin ni, ki doon u, ki di baasalmaa aayikpupur bil waabɔrjal taab, ki len ke,

UWONBƆR A GBƆNPƆŊ LIKƆƆNL

¹⁰ bininkpeeb pilee nin bina-n lur wan ka kunaangbɔŋin bu n yaa taatum le, ki jiɛn uma wan be wee kaa jɔɔ diɛmin. Bi chigir bi naam a yuchigirim le bil kunaangbɔŋin yaan ki len ke:

Tibɔkpiirkaan 4:10 Iomraidhean Croise

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 7:3

Israel aanib ngbaan aah nan kan mmii nyan ni paacham ki lir ni aan nwiihn gbiin Uwumbɔr Aadichal ngbaan na, le bi lir lichichikr lichiln ngbaan ni, ki dooni Uwumbɔr ki pak u, waaŋann ni waageehm mu kaa kpa ndoon na pu.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Ilahn 115:1

Uwumbɔr, sin baanja, sin baanja, kaa ye timi, le ti ga tii kipak; ba pu? aa kpa ngeehm n‑yoonn mɔmɔk, ki ŋani saah puu ke aa ga ŋa pu na.

Ilahn 47:8

Uwumbɔr ka waabɔrjal li bi chain na pu; u joo ŋitimbol mɔmɔk.

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

Aisaya 6:1

Libiln li ponn ni ubɔrkpaan Usia nan kpo na, le min Aisaya nan kan Ndindaan. U nan ka waabɔrjal pu, ki kpa bunyuŋ, le waawanpeenkaan gbiin waadichal ngbaan mɔmɔk.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Tibɔnyaan ti Luk ŋmee ti na 24:52

Le bi gbaan kitiŋ ki doon u, ki nin gir buen Jerusalem ni, ki kpa mpopiin sakpen,

1 Korenti 15:10

Le Uwumbɔr aah ter mi pu na, m bi ke maah bi pu dandana na. Waah ter mi pu na, waa ter mi yɔli. M tun lituln ki jer Yesu aakpambalb mɔmɔk. Ni mu aa ye min le tun lituln ngbaan. Uwumbɔr aaterm mu bi m chee na le cha m tun.

Ikaal 32:40

Mbamɔn, maah ye Uwumbɔr u bi cha na pu, m yoor ŋŋaal paacham,

Tibɔkpiirkaan 10:6

ki puu Uwumbɔr u bi n‑yoonn mu kaa kpa ndoon na, ki nan naan paacham ni tiwan nimɔk bi ni ponn ni na, ni kitiŋ ni tiwan nimɔk bi kitiŋ pu na, ni nnyusakpem, ni tiwan nimɔk bi mu ponn ni na, ke Uwumbɔr aan ki taan.

Tibɔkpiirkaan 11:16

Le bininkpiib moninko ni binaa bi ka baabɔrjal pu, Uwumbɔr aanimbiin ni na, doon ŋichichik ki di binimbil kpaa kitiŋ ki dooni Uwumbɔr,

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

Tibɔkpiirkaan 15:7

Le tiwanfuurkaan ninaa ponn ni nibaa di salmaa aasambil ŋilole tii Uwumbɔr aatuuntiib bilole ngbaan. Uwumbɔr u bi n‑yoonn mu kaa kpa ndoon na aaŋuul aah fii pu na le gbii ŋisambil ngbaan.

Tibɔkpiirkaan 19:4

Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”

Tibɔkpiirkaan 4:2

Libuul ngbaan ni le Uwumbɔr Aafuur Nyaan yoor mi buen paacham. Le m ti kan libɔrjal si Uwumbɔr do; ubaa mu ka li pu.

Tibɔkpiirkaan 4:4

Le ŋijal moninko ni ŋinaa mu si gob libɔrjal ngbaan. Bininkpiib moninko ni binaa mu ka ŋijal ngbaan pu, ki pee tiwanpiln, ki chik salmaa aayikpupur.

Tibɔkpiirkaan 4:9

Tiwanfuurkaan ninaa ngbaan le len kina, ki di mpakm, ni lisil, ni idoon tii Uwumbɔr u ka libɔrjal pu, ki ga li bi n‑yoonn mu kaa kpa ndoon na.

Tibɔkpiirkaan 5:14

Le tiwanfuurkaan ninaa ngbaan kii ke “Amii.” Bininkpiib ngbaan mu nan gbaan Uwumbɔr ni Upihbo ngbaan aanimbiin ni ki doon bi.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.

Tibɔkpiirkaan 7:11

Le Uwumbɔr aatuuntiib mɔmɔk si gob Uwumbɔr aabɔrjal, ni bininkpiib, ni tiwanfuurkaan ninaa ngbaan. Le Uwumbɔr aatuuntiib doon ŋichichik ki di binimbil kpaa kitiŋ Uwumbɔr aabɔrjal taab ki dooni u,