Tibɔkpiirkaan 3:7 - Uwumbɔr aagbaŋ

⁷ “Ŋmee kigbaŋ tii maanib bi bi Filadelfia aatiŋ ni na aatuun, ke min Yesu u ye chain, ki ye mbamɔn, ki kpa Ubɔr David aasaafii na, yaa piir mbisamɔb kan, ubaa aan ŋmaa piin mu; m yaa piin mu mu kan, ubaa aan ŋmaa piir mu,

UWONBƆR A GBƆNPƆŊ LIKƆƆNL

⁷ Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.

Tibɔkpiirkaan 3:7 Iomraidhean Croise

Job Aagbaŋ 11:10

Uwumbɔr yaa chuu si ki di si buen libɔjil kan, ŋma bi ki ga ŋmaa nyii u pu?

Job Aagbaŋ 12:14

Uwumbɔr yaa gbaa ber bil kan, ŋma ga ŋmaa maa, ŋma ga ŋmaa nyan unii u Uwumbɔr chuu u piin na lii?

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 16:10

ba pu? sin Uwumbɔr le kii mi nkun aapɔɔn chee, le saan cha saatutunn u ŋan na bee fam kitekpiitiŋ ni.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Aisaya 22:22

M ga di mpɔɔn mɔmɔk tii u, le u li bi ubɔrkpaan u ye David aayaabil na aataŋaal ni. U ga li joo tininkpir aapiin; waah piir nimɔk na, ubaa aan ki di piin, le waah laŋ nimɔk na, ubaa mu aan ki piir.

Aisaya 30:11

Siir cha timi nsan man. Taa ban ti ŋun Israel yaab Aawumbɔr u bi chain na aabɔr.”

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 41:20

Binib ga kan nimina le ki bee ke min Uwumbɔr le ŋa kina. Nima chee le bi ga bee ke Israel yaab Aawumbɔr u bi chain na le cha ni ŋa.”

Aisaya 47:4

Israel yaab Aawumbɔr u bi chain na le gaal timi lir. Waayimbil le ye ke Uwumbɔr Mpɔɔnsakpiindaan.

Aisaya 48:17

Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 55:5

Dandana ni ga kuun biwɔwɔm aatimbol; n‑yoonn mubaa, baa nan nyi nimi, le dandana ma bi ga san ki nan kpaan ni chee. Min, Nidindaan Uwumbɔr, nimi Israel yaab Aawumbɔr u bi chain na ga cha nimina mɔmɔk ŋa kina; m ga nyuŋ nimi ki tii nimi liyimbil.”

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Matiu 16:19

M ga tii si mpɔɔn Uwumbɔr aanaan ni. Tiwan ni aa ga buu dulnyaa wee ni na, nima le buu paacham mu. Tiwan ni aa ga buur lii dulnyaa wee ni na, nima le buur lii paacham mu.”

Matiu 24:35

Paacham ni taab ga jer. Maamɔbon ma aan jer.”

Tibɔnyaan ti Mak ŋmee ti na 1:24

le ki teen ke, “Sin Yesu u ye Nasaref aatiŋ aanii na, aa ban ba ti chee? Aa dan aa nan ŋa timi fam la aa? M nyi si. Aa ye Uwumbɔr aanii u ye chain na la.”

Tibɔnyaan ti Luk ŋmee ti na 1:32

U ga li ye uninyuun la. Bi ga yin u Uwumbɔr u kaa kpa ŋeen aatɔ na Aajapɔɔn. Tidindaan Uwumbɔr ga tii u uyaaja Ubɔr David aanaan.

Tibɔnyaan ti Luk ŋmee ti na 4:34

“Sin Yesu u ye Nasaref aatiŋ aanii na, aa ban ba ti chee? Aa dan aa nan ŋa timi yɔli la aa? M nyi si. Aa ye Uwumbɔr aanii u ye chain na la.”

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Lituln 3:14

Yesu le ye unii u Uwumbɔr nyan u aan u ye uninyaan na. Le ni yii u, ki bui Pailat ke u di unikur lii.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 1:11

ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

Tibɔkpiirkaan 16:7

Le m ŋun nneel nyan ni kitork aabimbiln ni ki len ke, “Tidindaan Uwumbɔr, u yeh mpɔɔn mɔmɔk na, ni ye mbamɔn, aa jin binib tibɔr mbamɔm ki ŋa bi naah ŋeer bi pu na.”

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”

Tibɔkpiirkaan 2:1

“Ŋmee kigbaŋ tii maanib bi bi Efesus aatiŋ ni na aatuun ke min Yesu u joo iŋmabi ilole ngbaan ŋŋangii ni, ki chuun salmaa aawan ni pu karyaa tiib tɔŋni na tiwan nilole na aakaasisik ni na le len tibɔr timina:

Tibɔkpiirkaan 21:5

Le Uwumbɔr u ka libɔrjal ngbaan pu na len ke, “Lik, m ŋa tiwan mɔmɔk nipɔnn.” Le u mu bui mi ke, “Ŋmee kina; ba pu? tibɔr timina ye mbamɔn, ki ga sil ŋa kina.”

Tibɔkpiirkaan 3:14

“Ŋmee kigbaŋ tii maanib bi bi Laodisea aatiŋ ni na aatuun ke min Yesu u ye mbamɔn, ki len ibamɔn, ki ye Uwumbɔr aah nan naan tiwan ni mɔmɔk na aayidaan na, le len tibɔr timina:

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”