Tibɔkpiirkaan 3:12 - Uwumbɔr aagbaŋ

¹² Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

UWONBƆR A GBƆNPƆŊ LIKƆƆNL

¹² Wan nyaŋ ke, n li ŋa udaan Uwonbɔr a diig a jaantelig. Le waa ji li nya niin ni. N li sɔb n Wonbɔru a yinl nin n Wonbɔru a tiŋ kan ye Jerusalam pɔŋin ki paan u bu, kan yin nyan paab n Wonbɔru ban wee ki jiirin nin; le ki ji sɔb n mu a yin pɔnl ki paan u bu.

Tibɔkpiirkaan 3:12 Iomraidhean Croise

1 Bibɔrb 7:21

Huram nan di tikumann aajaatɔlk tiib bilee ngbaan di ŋum Uwumbɔr Aadichal aabisamɔb chee la: u nan yin jaatɔlk u ŋub ŋŋangii wɔb na ke Jakinn, le ki yin u ŋub ŋŋangan wɔb na ke Boas.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 48:8

Ti ŋun Uwumbɔr aah tun pu na, le dandana ma kan, tinimbil kani waatun, waatiŋ ni. Uma le ye Uwumbɔr Mpɔɔnsakpiindaan; u ga cha lifuur li bi kitiŋ ngbaan ni, ki ti saa n‑yoonn mu kaa kpa ndoon na.

Ilahn 87:3

Uwumbɔr aatiŋ, li pel waah len tibɔnyaan ti aa pu na.

Aisaya 62:2

Jerusalem, ŋitimbol ga kan saatunyaan. Ŋaabɔrb ga kan saawangol, le aa ga li kpa liyimbipɔln, liyimbil li Uwumbɔr ubaa ga tii si na.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Jeremia 1:18

Jeremia, li pel. Kitiŋ kee pu aanib mɔmɔk—Juda aabɔrb, ni bininkpiib, ni bitotoorb, ga li kpak si. Tɔ, din wee le m bi tii si mpɔɔn mu aa ga di sil kiir bi na; aa ga li bi ke kitiŋ ki bi maa ŋigon kiir ki na la, ki naahn tikur aagoln, ki bi ke tikumann aagoln na. Baan ŋmaa nyaŋ si, ba pu? m ga li bi aa chee ki kiir si. Min Uwumbɔr le len kina.”

Esekiel 40:49

Ŋibimbin ŋi naa tɔb pu ki cha paacham na le bi taar joi ki koo kinaakook ngbaan ni, le kaah nan fɔk pu na ye ŋitaa piitaa ni ŋinaa, le kaah nan waa pu na ye ŋitaa moninko. Jaatɔlk tiib bilee le nan si mbisamɔb chee, ubaa si lipepel mɔk pu.

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Tibɔnyaan ti Mak ŋmee ti na 12:16

Le bi joo ni li. Le u baa bi, “Ŋma aanaŋ ni liyimbil bi li pu?” Le bi bui u ke, “Siisa yaan.”

Galantiya 2:9

Le Jems, ni Piita, ni Jɔnn, bi ye Yesu aanib aaninkpiib na, bee Uwumbɔr aah ter mi waatuln ponn ni pu na, le bi di biŋaal tii m ni Banabas ke naabitiib pu na, ki kii ke ni ŋan ke ti buen binib bi kaa ye Juu yaab na chee, aan bi mu buen Juu yaab chee.

Efesusi 3:15

Waah ye Tite na, nima le mɔk timi te aabimbin bamɔnn aah bi pu na.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Hiibru Yaab 13:14

Tido u bi dulnyaa wee ni na aan li bi n‑yoonn mu kaa kpa ndoon na. Ti ban tido u bi dulnyaa u choo na ni la.

1 Jɔnn 4:4

Maabim, ni ye Uwumbɔr yaab la. Uwumbɔr Aafuur Nyaan mu bi nisui ni na jer kinimbɔŋ ki bi dulnyaa wee ni na. Nima pu le ni nyaŋ Yesu aadin aabɔnabtiib ngbaan.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 2:11

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na aan kan lelee aakun.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.

Tibɔkpiirkaan 22:4

ki ga kan unimbil wɔb. Waayimbil ga li bi biyigbeer pu.

Tibɔkpiirkaan 3:5

Unii umɔk nyaŋ na, m ga peen u libɔkupiln. Maan chuu ber waayimbil limɔfal aagbaŋ ni. M ga len ke u ye maanii, Nte Uwumbɔr ni waatuuntiib aanimbiin ni.