Tibɔkpiirkaan 22:2 - Uwumbɔr aagbaŋ

² Le limɔfal aasui si limɔɔl ngbaan aapepel mɔmɔk ŋilee pu, le ki lu ŋisubil libiln ponn ni nfum kipiik ni mulee, uŋmal uŋmal ponn ni. Isui ngbaan aafar le tii ŋinibol mɔk laafee.

UWONBƆR A GBƆNPƆŊ LIKƆƆNL

² ki jiir kitiŋin a sanjal a sisiigin. Le limiɛfol a siigi nan si ikpengon ilee nmɔn biɛn bu, le isiig nmɔn lon iloon itaa piig nin ilee, uŋmal biɛn ke i lo le. Le isiig nmɔn a far ye kutebug ki sei ibol biɛn.

Tibɔkpiirkaan 22:2 Iomraidhean Croise

Mpiin 2:9

Uwumbɔr nan cha isui i lu ŋisubil nyaan na aabɔŋ punn kisaak ngbaan ni, ŋisubil ngbaan ŋan linimbil chee, ki mɔ lijil. Kisaak ngbaan aakaasisik ni, busub bubaa nan bi, ki ye limɔfal aasub, buken mu nan bi ki ye mbeem aasub, unii yaa jin bu kan, u ga bee ni ŋan na, ni ni kaa ŋan na.

Ilahn 147:3

U sɔŋni binib bi aasui bii na aasui, ki poo biini baabuun pu.

Ŋiyataŋak 3:18

Binib bi kan nlan na kpa mpopiin. Nlan ga tii bi limɔfal li kaa kpa ndoon na.

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Jeremia 17:14

Uwumbɔr, tii mi laafee aan m pɔɔk kookoo; gaa mi lii aan m kan limɔfal. Sin le m pak.

Esekiel 47:1

Uja ngbaan nan ki di mi gir buen Uwumbɔr Aadichal aabisamɔb chee. Nnyun nan nyan ni mbisamɔb ngbaan aataab ki puu cha liwipuul wɔb, Uwumbɔr Aadichal aah lik lipepel li wɔb na. Mu nan puu Uwumbɔr Aadichal aataab ŋŋangii wɔb ki jer kitork aabimbiln aaŋangii wɔb.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Sekaria 14:8

Nwiin ngbaan daal yaa nan fuu ni kan, nnyunpɔm ga li puu nya ni Jerusalem ni. Ligetekr libaa ga li puu cha N‑yaan Aanyusakpem ni, le liken puu cha Kaasisik ni Aanyusakpem ni. Mu ga li puu n‑yoonn mɔmɔk libiln ni la. Mu ga li puu lipeel ni kiseek ni la.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 21:21

Le ibisamɔi kipiik ni ilee ngbaan nan ye ŋitakpanyaan kipiik ni ŋilee li bi yin li ke peral na; i mɔmɔk nan ye litakpanyaan libaabaa. Kitiŋ ngbaan ponn ni aasan nan ye salmaa u bi chain ki naahn kinimbilik ki bi chain na la.

Tibɔkpiirkaan 21:24

Kaawiin ga woln ŋinibol aanib pu, ke bi chuun. Dulnyaa aabɔrb ga li joo ni baawanyaan ki ponn ni.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.

Tibɔkpiirkaan 22:19

Unii ubaa yaa bar kigbaŋ kee aabɔr ti tuk timi tiwan ni ga ŋa na kan, Uwumbɔr aan cha u moo limɔfal aasubil, kaan cha u koo ni kitiŋ ki bi chain na ponn ni, tiwanyaan ni bi ŋmee kigbaŋ kee ponn ni na.