Tibɔkpiirkaan 21:10 - Uwumbɔr aagbaŋ

¹⁰ Le Uwumbɔr Aafuur Nyaan fir m pu, le Uwumbɔr aatuun ngbaan yoor mi ki di buen lijoosakpeln li fɔk na paab, le ki ti mɔk mi Jerusalem aatiŋ ki ye chain na nyan ni Uwumbɔr chee paacham,

UWONBƆR A GBƆNPƆŊ LIKƆƆNL

¹⁰ Le u nan taam Kinaaŋin ki don lijɔɔl takpenl lan kper a paab, ki tan wɔɔnim Jerusalam kan ye Kasi a Tiŋin, le ki nyan paab Uwonbɔr ban ki chaa jiirin tum.

Tibɔkpiirkaan 21:10 Iomraidhean Croise

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

2 Bibɔrb 2:16

le ki bui ke, “Ti ye bijab piiŋmu le ki bi do. Ti mɔmɔk ye bijab bi pɔɔ na la. Cha ti buen ti ban kan saaninkpel. Nibaakan Uwumbɔr Aafuur Nyaan ga li di u ti lii lijool libaa pu, bee kifataŋ kibaa ni.” Le Elaisa bui ke, “Aayii, taa buen man.”

Esekiel 11:1

Uwumbɔr Aafuur Nyaan nan yoor mi paacham ki buen Waadichal aabisamɔb mu bi liwipuul wɔb na chee. Mbisamɔb nima chee le m ti kan bijab moninko ni biŋmu, le ŋitimbol ngbaan aasalolm bilee bimina, Asur aajapɔɔn Jaasania, ni Benaya aajapɔɔn Pelatia ŋmal bi ni.

Esekiel 11:24

Tidaŋ ngbaan ni, Uwumbɔr Aafuur Nyaan nan ki yoor mi paacham ki di giin binaagbiib biken chee Babiloŋ aatiŋ pu. Le tidaŋ ngbaan doo,

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Esekiel 8:3

U nan taln tiwan ni naahn ŋŋaal na ki di chuu maayikpir. Le Uwumbɔr Aafuur Nyaan yoor mi paacham ki di mi buen Jerusalem aatiŋ ni. U nan di mi buen Uwumbɔr Aadichal aabisamɔb mu bi ponn ni, ki bi ŋŋangan wɔb nin chee liwaal li fiini Uwumbɔr aaŋuul sakpen na si na.

Lituln 8:39

Le bi nyan ni nnyun ni. Baah nyan ni nnyun ni na, le Uwumbɔr Aafuur Nyaan yoor Filip, ki di u buen. Uja ngbaan aa ki kan u. Le u ki koo waatɔroku ponn ni, ki cha, ki nan kpa mpopiin pam.

Galantiya 4:26

Le Jerusalem aatiŋ ki bi paacham na aanib ye mmaal aabim. Timi le ye waabim.

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,

Tibɔkpiirkaan 11:2

Taa ŋaŋ kikaakpaak ki bi lipaal na aafɔfɔk; ba pu? Uwumbɔr di kikaakpaak ngbaan tii binib bi kaa ye Juu yaab na la. Le bi ga bii Uwumbɔr aatinyaan ki ti saa iŋmal imonko ilee ni ilee.

Tibɔkpiirkaan 17:3

Le Uwumbɔr Aafuur Nyaan fir m pu, le waatuun ngbaan yoor mi ki di buen nteersakpiin ni. Le m ti kan upii ubaa dik upeel u man na pu. Ŋiyimbil ŋi seei Uwumbɔr na nan bi upeel ngbaan aawon mɔmɔk pu. U nan kpa ŋiyil ŋilole ni iyiin kipiik.

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.

Tibɔkpiirkaan 3:12

Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

Tibɔkpiirkaan 4:2

Libuul ngbaan ni le Uwumbɔr Aafuur Nyaan yoor mi buen paacham. Le m ti kan libɔrjal si Uwumbɔr do; ubaa mu ka li pu.