Tibɔkpiirkaan 20:3 - Uwumbɔr aagbaŋ

³ ki di ki ŋa libuul ngbaan ni, ki di libiil biin, ki laŋ, ke ki li bi ni ponn ni ŋibin lichur, ki taa ki ŋmanni binib ki ti saa buyoonn ŋibin lichur ngbaan ga jer na. N‑yoonn ngbaan aapuwɔb, see bi chuu buur ki, ki di ki lii, ni yunn siib.

UWONBƆR A GBƆNPƆŊ LIKƆƆNL

³ Le u ta u ki gab libogil lan nyɔɔ kaa jɔɔ tarigin yaan, le ki loon ki pɔl legin u bu, ke u laa ji fir lar ibolin jigin nin, ki nan kpaa ibin turilin kaah na li diɛ. Ni bɔɔn bu ni kpaa le nin bi nan lor u ki jaa wama.

Tibɔkpiirkaan 20:3 Iomraidhean Croise

Ilahn 90:4

Ŋibin lichur naahn liwinbaal le aa chee; ŋi bi ke fen u jer na la, ki naahn kikurk kibaa aah ga yunn kinyeek pu na.

Daniel 6:17

Le bi di litakpal ŋeeb mbuu ngbaan aamɔb, le ubɔr di uma ubaa aanaŋ ni waaninyuum aanaŋ nyii li pu, ke ubaa taa ŋmaa nyan Daniel.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 27:66

Le bi buen ki ti dab litakpal li leŋ likaakul aamɔb na, ki cha bikikiirb ka kii li.

Tibɔnyaan ti Mak ŋmee ti na 4:15

Ndibim mu lir nsan ni na le ŋaŋ binib bi ŋun Uwumbɔr aabɔr na. Libuul ngbaan ni le kinimbɔŋ dan ki nan nyan ti bisui ni.

Tibɔnyaan ti Luk ŋmee ti na 8:31

Le tiyayaar ngbaan gaŋ Yesu ke u taa bui ti ke ti buen libuul li nyoo na ni.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

2 Piita 3:8

Maanigeekaab, ni taa suln ke liwinbaal naahn ŋibin lichur le Tidindaan chee. Ŋibin lichur mu naahn liwinbaal le u chee.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 17:8

Upeel u kpa ŋiyil ŋilole ni iyiin kipiik aan aa kan u na, u nan bi, kaa ki bi. Ni yaa kpee siib kan, u ga nyan ni libuul li nyoo kaa kpa limɔk na ni, ki cha nin chee bi ga kuln u. Le dulnyaa ni aanib bi aayimbil aa ŋmee limɔfal aagbaŋ ni buyoonn Uwumbɔr aa nan kee naan dulnyaa wee na, yaa kan upeel ngbaan kan, ni ga gar bi pam; ba pu? u nan bi, kaa ki bi, ki ga ki gir ni.

Tibɔkpiirkaan 20:1

Le m kan Uwumbɔr aatuun nyan ni paacham ki ŋub libuul li nyoo kaa kpa limɔk na aajaaleŋ aasaafii, ni tikululn sakpenn, uŋaal ni.