Tibɔkpiirkaan 17:4 - Uwumbɔr aagbaŋ

⁴ Upii ngbaan nan pee tiwanpeenkaan nyaan, nibaa chee man, niken chee mu bɔn ke nsiin na, ki pee nleen mu ŋan ki kpa kidaak na uneen ni. Waawanpeenkaan pu nan ye salmaa ni ŋitakpabinyaan ŋi kpa kidaak na. U nan joo salmaa aasambil uŋaal ni. Tiwan ni kaa ŋan, ki ye waadagook aawan, ki kpa tijɔŋ na nan gbii waasambil ngbaan ni.

UWONBƆR A GBƆNPƆŊ LIKƆƆNL

⁴ Upii nmɔn nan yee tiwann yɔɔr tan man nin tan man geuŋ le, ki nan nyagin nin salima, nin itangbag nin nliɛm man ŋan ki nyagin. Ki ŋmag salima a yiinyɔɔg u nɔɔn, le kiyiinyɔɔg nmɔn gbee nin tijaginn tan ye titoonbir nin iwanchɔgin toon.

Tibɔkpiirkaan 17:4 Iomraidhean Croise

1 Bibɔrb 14:24

Ni nan ti nyaŋ sakpen na le ye ke bipiib ni bijab nan bi idoon aabuu ŋee ni ki joo biwon kooh. Juda aanib nan tun ŋinimɔɔntun ŋi mɔmɔk binib bi Uwumbɔr nan jenn nyan bi n‑yoonn mu Israel yaab nan tur koo baatiŋ ni na nan tun na.

2 Bibɔrb 21:2

Uwumbɔr aanib aah nan tur koo ŋitimbol ŋi ponn ni, aan u jenn nyan ŋaanib bi na aabimbiyɔyɔl na le Manase nan gaa, le ki tun Uwumbɔr titunwanbir.

Esra 9:11

ikaal i aa nan di tii saabɔnabr bi ye saatutum na, ke bi di tii timi na. Aa nan bui timi ke kitiŋ ki ti ban ti koo ki ponn ni na aa ŋan, ba pu? binib bi bi ki pu na di inimɔɔn ni tijɔŋ aatuln le gbiin kaapepel mɔmɔk.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Esekiel 20:30

Tɔ, tuk Israel yaab ngbaan min Bidindaan Uwumbɔr aah len pu na ke: Ba ŋa ni san dii ŋiwaa ŋi nitetiib nan dii na, ki tun titunwanbir baan ti bi nan tun na?

Esekiel 24:11

Di tikumann aakumbukuun ngbaan chɔŋ ŋimiisakɔn pu, ki cha li ti mann gban gban. Nima kan, laah daŋ pu na yaa ti pɔkr lir kan, li ga ki ŋa chain,

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 28:13

Aa nan koo Uwumbɔr aasaak Edenn ni la, le ki kpa ŋitakpanyaan mɔmɔk aabɔŋ. Aa nan kpa ŋitakpanyaan ŋi bi yi ŋi ke rubi, ni diamonn, ni topas, ni beril, ni kaneliann, ni jaspa, ni safir, ni emeral, ni ganet na. Aa nan kpa salmaa aaleen. Nwiin mundaal bi naan si na, le bi nan ŋa tiwan ngbaan mɔmɔk tii si.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Daniel 11:38

Waah ga ŋa pu na le ye ke u nyuŋ liwaal li kiir ntim mu kpa ŋigon ŋi fɔk ki pɔɔ na. U ga di salmaa, ni tikunabr, ni nleenyaan, ni liwangol aapiin tii liwaal li uyaajatiib aa kee dii li daalbaadaal na.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Ikaal 29:17

Ni nan kan baawaawanbir ŋi bi di idɔ, ni ŋitakpal, ni tikunabr, ni salmaa ŋa ŋi na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 18:12

Ubaa aan ki daa baasalmaa, ni tikunabr, ni ŋitakpabil ŋi ŋan ki kpa kidaak na, ni ileen i kpa kidaak na, ni ŋikekenyaan, ni ŋikeken ŋi bɔn ke nsiin na, ni ŋi man na, ni ŋikpanyaan, ni iluub aanyin aasambil, ni idɔ aasambil ŋi kpa kidaak na, ni tikur aawan, ni ŋitakpanyaan aawan,

Tibɔkpiirkaan 18:16

ki len ke, “Tibɔbir bi kitisakpeŋ ngbaan pu la. Kaanib nan pee ŋikekenyaan, ni ŋikeken ŋi bɔn ke nsiin na, ni ŋikeken ŋi man na, ki nan kpa salmaa ni ŋitakpabil ŋi ŋan ki kpa kidaak na, ni ileen i ŋan ki kpa kidaak na.

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”

Tibɔkpiirkaan 21:21

Le ibisamɔi kipiik ni ilee ngbaan nan ye ŋitakpanyaan kipiik ni ŋilee li bi yin li ke peral na; i mɔmɔk nan ye litakpanyaan libaabaa. Kitiŋ ngbaan ponn ni aasan nan ye salmaa u bi chain ki naahn kinimbilik ki bi chain na la.

Tibɔkpiirkaan 9:21

Binib ngbaan beenin ku binib, ki ji inyɔk, ki gɔr kidagook, ki su kinaayuk, kaa kpeln baabimbin.