Tibɔkpiirkaan 12:2 - Uwumbɔr aagbaŋ

² le imalween chuu u, le u wii ki ban u maa ubo.

UWONBƆR A GBƆNPƆŊ LIKƆƆNL

² U nan jɔɔ lipool le ki kuun imariwiɛn kaah choo u nbu.

Tibɔkpiirkaan 12:2 Iomraidhean Croise

Aisaya 26:17

Sin Uwumbɔr, aa cha ti wii mpɔɔn pu, ke imalween aah joo upii kan, u wii pu na.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Aisaya 66:6

Li pel man, kifuuk sakpeŋ ki bi kitiŋ ponn ni na, ni ki bi Uwumbɔr Aadichal ni na, ki ye Uwumbɔr aah bi dar waadim aatafal pu na aafuuk la.

Maika 4:9

Ba ŋa aa wii mpɔɔn pu sakpen kina? Ba ŋa aa ji falaa ke upii u imalween joo u na? Saah kaa kpa ubɔr, aan saasusurb mu kpoi na pu le aa wii ii?

Maika 5:3

Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee.

Matiu 24:8

Nimina mɔmɔk le ga li ye njan aafalaa.

Jɔnn 16:21

Upii yaa ban u maa ubo kan, u ga li kpa mpombiin waafalaa pu. U ti ma ubo doo kan, waan ki teer falaa ngbaan aabɔr, u ga li kpa mpopiin la; ba pu? unipɔɔn koo ni udo.

Galantiya 4:19

Maabim, ni wu mi ke imalween aah chuu upii kan, ni wu pu na, ki nan saa buyoonn ni ga chikr Kristo aasan ni na.

Galantiya 4:27

Ni ŋmee Uwumbɔr Aagbaŋ ni ke, “Upii u kaa ma mbim na, u li kpa mpopiin. Imalween aah kaa chuu upii u na, u li tar mpopiin ngbaan pu; ba pu? upii u aachal yii u na aabim wiir ki jer upii u kpa chal na aabim.”

Tibɔkpiirkaan 12:4

Le kipeewanbiik ngbaan di kijuul kuun foor ni iŋmabi ligetatar, ki di lii ni kitiŋ, ki dan nan sil upii u ban u maa ubo na aanimbiin ni ke ki ŋmɔ waabo.