Tibɔkpiirkaan 10:5 - Uwumbɔr aagbaŋ

⁵ Uwumbɔr aatuun u m kan u si nnyusakpem, ni kitiŋ pu na le yoor uŋangii paacham

UWONBƆR A GBƆNPƆŊ LIKƆƆNL

⁵ Le n kan malaka wan a taaliba tɔɔ limɔgil a nyum bu wee litɔ mu tɔɔ limɔgil a doolin kaah don u nɔɔjiim paab.

Tibɔkpiirkaan 10:5 Iomraidhean Croise

Mpiin 14:22

Le Abram bui u ke, “M puu tipuukpaan, Tidindaan Uwumbɔr u kaa kpa ŋeen aatɔ, ki naan paacham ni kitiŋ na aanimbiin ni,

Nehemia 9:6

Le Israel aanib mee limeel limina: “Uwumbɔr, sin baanja le ye Uwumbɔr. Sin le naan paacham ni iŋmabi i bi kitaapaak na. Sin le naan kitiŋ, ni nnyusakpem, ni tiwan ni mɔmɔk bi ni ponn ni na; sin le tii ni mɔmɔk limɔfal. Paacham aawan mɔmɔk gbaani le ki dooni si.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Esekiel 20:15

Kina pu le m nan puu tii bi nteersakpiin ni nima chee, ke maan di bi fuu kitiŋ ki kpa tiwakor aamoŋmɔpaan ni ŋisubil sakpen na ki ŋan jer ntim mɔmɔk aan m di tii bi na ni.

Esekiel 20:23

Kina pu na, m nan ki puu tipuur tiken tii bi nteersakpiin ni, nima chee. M nan puu timm ke m ga cha bi yaa koo dulnyaa wee mɔmɔk ni.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:42

M yaa nan giin ni nimi Israel aatiŋ ki m nan puu ke m ga di tii niyaajatiib na pu kan, le ni ga bee ke min le ye Uwumbɔr.

Esekiel 20:5

Tuk bi maah bi len pu na. Maah nan lee Israel aanibol na, m nan puu tipuur tii bi. M nan di mbaa mɔk bi, Ijipt aatiŋ ni, ki bui bi ke: Min le ye Nidindaan Uwumbɔr.

Esekiel 36:7

Min, Dindaan Uwumbɔr puu tipuur kpaan ke ŋitimbol ŋi mann goln Israel na ga ji inimɔɔn.

Esekiel 47:14

M nan puu tipuukpaan tii niyaajatiib ke m ga di kitiŋ kimina tii bi; tɔ, yakr ki dee dee tii tɔb man.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

Rom Yaab 1:20

Buyoonn Uwumbɔr nan naan dulnyaa wee ki nan saa dandana wee na, binib kani waabimbin aah bi pu na. Naa ye ke binimbil le kan u. Bi kan tiwan ni u naan ni na, ki kan ke u kpa mpɔɔn mu kaan doo na, ki sil ye Uwumbɔr. Nima le baan ŋmaa len ke baa nyi.

Ikaal 32:40

Mbamɔn, maah ye Uwumbɔr u bi cha na pu, m yoor ŋŋaal paacham,

Hiibru Yaab 6:13

Uwumbɔr aah puu tipuur ki tii Abraham na, u nan puu uma ubaa aayimbil pu la. Ubaa aa bi ki jer u, ke u puu waayimbil, nima le cha u puu uma ubaa aayimbil.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 10:2

U joo kigbaŋ waatiir ki kpar na uŋaal ni. Le u di utaagiil taa nnyusakpem pu, le ki di utaagal mu taa kitiŋ pu,

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”

Tibɔkpiirkaan 16:17

Le Uwumbɔr aatuun lolole mu di falaa u bi waasambil ni na kpir libuln pu. Le nneel sakpiin nyan ni Uwumbɔr aabɔrjal li bi waadichal ni na, ki len ke, “Ni ŋa doo a.”

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”

Tibɔkpiirkaan 4:9

Tiwanfuurkaan ninaa ngbaan le len kina, ki di mpakm, ni lisil, ni idoon tii Uwumbɔr u ka libɔrjal pu, ki ga li bi n‑yoonn mu kaa kpa ndoon na.