Tibɔkpiirkaan 1:8 - Uwumbɔr aagbaŋ

⁸ Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

UWONBƆR A GBƆNPƆŊ LIKƆƆNL

⁸ “Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 1:8 Iomraidhean Croise

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

Mpiin 48:3

Le Jakob bui Josef ke, “Uwumbɔr Mpɔɔnsakpiindaan nan dan m chee Lus aatiŋ ki bi Kanaann aatiŋ ni na, le ki nan ŋa tinyoor ŋa m pu.

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

Nnyam 3:14

Le Uwumbɔr bui u ke, “M ye maah ye u na la. Aa tuk bi ke ‘Baah yin u ke M‑ye‑na le tun ni si.’

Nnyam 6:3

Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Aisaya 41:4

Ŋma nan cha nimina ŋa? Ŋma mɔk tibɔkpokr ti nan ŋa na taah ga ŋa pu na? Min Uwumbɔr le nan ŋa kina. Min Uwumbɔr le nan bi mpiin ngbaan, ki ga nan ki li bi ndoon mu.

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 48:12

Uwumbɔr bui ke, “Israel aanib, binib bi m yin bi na, li pel m chee, Min le ye Uwumbɔr u ye mpiin ngbaan, ni ndoon ngbaan na, Uwumbɔr baan ngbaan.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Nkahm 24:4

ki ŋun Uwumbɔr aah len pu na aabɔr. Maah dɔ ke maah geen na, le m likr ki kan Uwumbɔr Mpɔɔnsakpiindaan aah kpiir mɔk mi pu na:

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Tibɔkpiirkaan 1:11

ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 11:17

ki len ke, “Tidindaan Uwumbɔr, u yeh mpɔɔn mɔmɔk, ki nan bi, ki beenin bi na, ti dooni si; ba pu? aa di saapɔɔn sakpiin ki joo dulnyaa wee.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

Tibɔkpiirkaan 16:14

Tiyayaar ngbaan ye kinimbɔŋ yaan la, le ki tun lijinjiir aatun, ki buen dulnyaa wee ni aabɔrb mɔmɔk chee, ki ti kuun bi, ke bi to butɔb, Uwumbɔr u yeh mpɔɔn mɔmɔk na aawiinsakpiin daal.

Tibɔkpiirkaan 16:7

Le m ŋun nneel nyan ni kitork aabimbiln ni ki len ke, “Tidindaan Uwumbɔr, u yeh mpɔɔn mɔmɔk na, ni ye mbamɔn, aa jin binib tibɔr mbamɔm ki ŋa bi naah ŋeer bi pu na.”

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 2:8

“Ŋmee kigbaŋ tii maanib bi bi Simina aatiŋ ni na aatuun ke min Yesu u ye mpiin ngbaan ni ndoon ngbaan, ki nan kpo ki ki fikr na le len tibɔr timina:

Tibɔkpiirkaan 21:22

Maa nan kan Uwumbɔr Aadichal kitiŋ ngbaan ponn ni; ba pu? Tidindaan Uwumbɔr u yeh mpɔɔn mɔmɔk na, ni Upihbo ngbaan bi kitiŋ ngbaan ponn ni, le binib dooni bi.

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:13

Min le ye Alfa ni Omega, njan yoo ni gbelngbeln yoo, mpiin ngbaan ni ndoon ngbaan.”

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”