Nehemia 9:5 - Uwumbɔr aagbaŋ

⁵ Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Nehemia 9:5 Iomraidhean Croise

1 Bibɔrb 8:14

Israel aanib aah nan si nima na, le Ubɔr Solomonn nan fenn toŋ bi, le ki mee Uwumbɔr aanyoor ŋa bi pu.

1 Bibɔrb 8:15

U nan bui ke, “Pak Israel yaab Aadindaan Uwumbɔr man. U joo tipuur ti u nan puu tii nte David ke,

1 Bibɔrb 8:22

Binib ngbaan aanimbiin ni nima, le Solomonn nan buen ti sil kitork aabimbiln chee, ki yoor uŋaal paacham,

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

1 Bibɔrb Aabɔr 16:36

Pak Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Le binib mɔmɔk bui ke, “Amii,” le ki pak Uwumbɔr.

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

1 Bibɔrb Aabɔr 29:13

Tɔ, timi Aawumbɔr, ti doon si, le ki pak saayimbil li kpa kipak na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 20:13

Juda aajab mɔmɔk ni bipuutiib, ni baabim nan si Uwumbɔr Aadichal chee nima.

2 Bibɔrb Aabɔr 20:19

Liifai yaab bi ye Kohaf ni Kora aataŋaal pu yaab na nan fii sil le ki teen mpɔɔn pu, ki pak Israel yaab Aadindaan Uwumbɔr.

Esra 3:11

Bi nan gaa ilahn ki pak Uwumbɔr ke, “Uwumbɔr kpa tiŋann, le waah gee Israel yaab pu na aa kpa ndoon.” Unii mɔk nan tar mpɔɔn pu, le ki pak Uwumbɔr, waah cha bi ŋmaa bil Uwumbɔr Aadichal aadinyikl aatakpal pu na.

Nehemia 9:4

Bi nan ŋa paangara tii Liifai yaab; le Jesua, ni Bani, ni Kadmiel, ni Sebania, ni Buni, ni Serebia, ni Bani, ni Kenani, si tɔk u pu. Bi nan teen mpɔɔn pu ki mee Bidindaan Uwumbɔr.

Nehemia 9:6

Le Israel aanib mee limeel limina: “Uwumbɔr, sin baanja le ye Uwumbɔr. Sin le naan paacham ni iŋmabi i bi kitaapaak na. Sin le naan kitiŋ, ni nnyusakpem, ni tiwan ni mɔmɔk bi ni ponn ni na; sin le tii ni mɔmɔk limɔfal. Paacham aawan mɔmɔk gbaani le ki dooni si.

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Ilahn 106:2

Ŋma ga ŋmaa bee waah tun ŋitukpaan ŋi na? Kipak kibaa aa bi ki ga ŋeer u.

Ilahn 134:1

Nimi Uwumbɔr aatutum mɔmɔk, dan ki nan pak u man, nimi bi mɔmɔk dooni u Waadichal ni kinyeek na, dan nan pak u man.

Ilahn 145:2

M ga li dooni si iwiin mɔmɔk; m ga li pak si ki ti saa n‑yoonn mu kaa kpa ndoon na.

Ilahn 145:5

Bi ga li len saah kpa mpɔɔn ni kipak pu na, le m ga li dakl lik saatukpaan ngbaan.

Ilahn 146:2

Maamɔfal mɔmɔk ni, m ga pak u; m ga gaa ilahn tii Maawumbɔr maamɔfal mɔmɔk ni.

Ilahn 16:2

M bui Uwumbɔr ke, “Sin le ye Ndindaan; tiwanyaan nimɔk m kpa na nyan ni aa chee la.”

Ilahn 66:2

Gaa ilahn ki nyuŋ waayimbil, ki tii u kinyuŋ aapak.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Matiu 11:25

N‑yoonn ngbaan le Yesu bui ke, “Nte Uwumbɔr, u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima pu le m pak si.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,

1 Piita 1:3

Cha ti pak Uwumbɔr u ye Tidindaan Yesu Kristo Aate na; ba pu? u san timi kinimbaak sakpen a, ki gir ma timi lelee, ki di timi ŋa waabim. U nan fikr Yesu Kristo nkun ni. Nima le ti kpa limakl li bi n‑yoonn mɔmɔk na.

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”