Nehemia 9:34 - Uwumbɔr aagbaŋ

³⁴ Tiyaajatiib, ni timi aabɔrb, ni timi aayidam, ni bitotoorb mɔmɔk yii saakaal. Bi yii kaa pel saah bui bi pu na, ni saah sak bi pu na.

Nehemia 9:34 Iomraidhean Croise

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb Aabɔr 29:6

Tiyaajatiib aa nan dii Tidindaan Uwumbɔr mbamɔm le ki tun waah kaa gee pu na. Bi nan yii u le ki fenn bipuwɔb tii waah koo nin chee na.

Esra 9:10

“Uwumbɔr, ti ga ki len ke ba, tiwan ni mɔmɔk ŋa na pu? Ti ti ki gir yii ikaal ngbaan,

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Nehemia 9:33

Saah daa timi aatafal pu na, aa kpa mbamɔn; ti tun titunwanbir, le sin ma ŋani saah len pu na kaa joo cha.

Nehemia 9:35

Saanyoor pu, le bibɔrb joo saanib buyoonn bi nan bi kitiŋ ki waa ki nyuun aan aa nan di tii bi na ponn ni, le bi beenin ŋani titunwanbir kaa dii si.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Esekiel 5:6

Le Jerusalem aatiŋ yii maakaal, ki mɔk ke ki kpa mbiin jer ntim muken, kaa kii maamɔb ki jer ntim mu mann goln ki na. Jerusalem aatiŋ yii maah mɔk pu na, ki yii ke kaan joo maakaal.

Daniel 9:6

Taa nan pel saatutum ni saabɔnabtiib bi nan di saayimbil tuk timi aabɔrb, ni binib bi joo ntim na, ni tiyaajatiib, ni litimbol mɔln na aah nan len pu na.

Ikaal 31:21

le tibɔbir pam ga dan bi pu. Bi ga li beenin gaa nlahn mue, aan mu li ye seeraa ki tii bi. Hali dandana wee, waahr aan m nin di bi buen kitiŋ ki ponn ni m nan puu ke m ga di tii bi na, m nyi baah dak pu na.”