Nehemia 9:26 - Uwumbɔr aagbaŋ

²⁶ Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Nehemia 9:26 Iomraidhean Croise

1 Bibɔrb 14:9

Aa tun titunwanbir ki jer bijojoob bi nan puen si ki joo kitiŋ na pel pel. Aa yii mi le ki di tikur naan tiwanaankaan ni ŋiwaa ke aa li dooni ŋi, le ki fiin maaŋuul.

1 Bibɔrb 18:13

Saa ŋun ke Jesebel aah nan bi ku Uwumbɔr aabɔnabtiib na, m nan di bi ponn ni nkub ki yakr bi piiŋmu piiŋmu, ki bɔr titakpalunn ponn ni ki tii bi tijikaar ni nnyun aa?

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

2 Bibɔrb 21:10

Uwumbɔr nan cha waatutum bi ye waabɔnabtiib na len ke:

2 Bibɔrb 21:11

“Ubɔr Manase nan tun tijɔŋ sakpenn aawan nimina, u nan tun ni bir jer Kanaann aanib aah nan tun pu na, le ki di waawaa mɔk Juda aanib le bi tun titunwanbir.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nehemia 9:18

Bi nan naan liwaal li bi ke unaajabo na, ki bui ke liwaal ngbaan le nan nyan ni bi Ijipt aatiŋ ponn ni. Uwumbɔr, bi nan seei si ki ti nyaŋ.

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Ilahn 50:17

Ni yii, ke m taa mɔk nimi buyoonn ni yenn na; ni yii maamɔbon.

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 2:7

M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 42:19

Le m ki moo len ke, “Uwumbɔr bui mi ke m tuk nimi bi gur Juda ni na ke ni taa buen Ijipt aatiŋ ni. Kina pu na, m sur nimi dandana wee ke

Inandalahn 3:42

“Uwumbɔr, ti tun titunwanbir ki yii saamɔb, le saa di cha pinn timi.

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Matiu 21:35

Le bikpaab ngbaan ti chuu waatutum ngbaan, ki gbaa ubaa, ki ku ubaa mu, ki yur ubaa mu ŋitakpal u ti kpo.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.