Nehemia 9:23 - Uwumbɔr aagbaŋ

²³ Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Nehemia 9:23 Iomraidhean Croise

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

1 Bibɔrb Aabɔr 27:23

Uwumbɔr aah nan puu ke u ga cha Israel aanib li wiir ke iŋmabi i bi kitaapaak na aah wiir pu na, Ubɔr David aa nan kahn binib bi aabin aa fuu moninko na.

Nnyam 1:12

Tɔ, baah nan nan Israel yaab ki moo ŋani bi falaa sakpen pu na, Uwumbɔr nan cha bi moo pɔr kpee kina la, le ki yaa gbiin Ijipt aatiŋ ponn ni, le Ijipt yaab nan gur san Israel yaab ijawaan,

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Ikaal 28:62

Naah wiir ke iŋmabi na, ni ga ti gur siib la, ba pu? ni yii Nidindaan Uwumbɔr aamɔb.