Nehemia 9:22 - Uwumbɔr aagbaŋ

²² Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Nehemia 9:22 Iomraidhean Croise

Ilahn 105:44

U nan di binib biken aatim tii bi, ki cha bi gaa baakpaakon,

Ilahn 78:65

Nee aapuwɔb le Uwumbɔr nan fii ke waah finn ngeen pu le na; u nan bi ke unachipɔɔn u nyun ndaan aan ni mɔɔr u na.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Ikaal 1:4

Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Ikaal 32:26

M nan len ke m ga kuln bi, aan nima kan, ubaa aan ki teer bibɔr.

Ikaal 4:47

Bi nan gaa waatiŋ ngbaan, ki kpee ubɔr Og u nan joo Basann aatiŋ na, u mu nan ye Amor yaab aabɔr, le ki bi Jɔɔdann aawipuul wɔb.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.