Nehemia 9:19 - Uwumbɔr aagbaŋ

¹⁹ Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Nehemia 9:19 Iomraidhean Croise

Nehemia 9:12

Aa nan cha ntaalangbam loln saanib pu nsan nwiin pu, ki cha mmii wiihn ki loln bi pu nsan kinyeek.

Nehemia 9:27

kina pu le aa nan cha baadim nyaŋ bi ki joo bi. Baah nan bi limukl ponn ni na bi nan yin si ke aa ter bi, le aa nan bi paacham ki kii. Saanimbaasaln sakpeln ponn ni le aa tii bi biyidam bi nan gaa bi lii baadim chee na.

Nehemia 9:31

Le saanimbaasaln aah ti nyaŋ sakpen pu na, saa nan yii bi, kaa ku doo bi. Aa sil ye unimbaasaln Aawumbɔr u kpa lineen sakpen na la.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 136:16

U nan di waanib bɔ dii nteersakpiin ni; waageehm aa kpa ndoon.

Nnyam 40:36

Buyoonn Uwumbɔr aataalangbam ti biir Libool ngbaan pu nin chee Israel yaab nan ka na, le Israel yaab ti fii nima chee.

Nnyam 40:38

N‑yoonn mu bi nan bi chuun kina na, bi nan kani Uwumbɔr aataalangbam ngbaan biini Libool na pu, nwiin pu, le kinyeek kan, ni ye mmii ki wiin li pu.

Aisaya 44:21

Uwumbɔr bui ke, “Israel aanibol, teer nimina: teer ke aa ye maatutunn la. Min le naan si ke aa li ye maatutunn, le maan suln saabɔr daalbaadaal.

Inandalahn 3:22

Uwumbɔr aageehm ni linimbaasaln li kaa door na beenin bi.

Esekiel 20:14

Maa nan ŋa kina; ba pu? kina ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Esekiel 20:17

“Tɔ, m nan tee san bi kinimbaak. M nan yii ke maan ku bi nteersakpiin ni nima.

Esekiel 20:22

Tɔ, maa nan ŋa kina, ba pu? kina ngbaan ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Malakai 3:6

“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo.

Nkahm 14:14

bi ga tuk binib bi bi kitiŋ ngbaan pu na. Binib ngbaan ŋun saah bi ti chee pu na, ki kpiir saanaŋ mɔk timi ntaalangbam mu bii ti pu na ni, le nwiin pu kan, aa bi ntaalangbam ni le ki loln ti pu nsan, le kinyeek kan, ntaalangbam ngbaan ye mmii ki wiin ti pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.